Поиск

город Бремптон (202x216, 31Kb)

Холдор Вулқон

Ўзбекистон Ёзувчилар уюшмасининг аъзоси

Найчи созандалар қироли Абдулаҳад Абдурашидов афсонавий ўзбек қўшиқчиси Муҳаббат Шамаева билан.

Созанда (273x347, 44Kb)

 

Най

(Буюк найчи созанда ва яхши инсон Абдулаҳад Абдурашидовга)



Дарёларнинг лабида ҳамон,
Нола қилар соҳил найлари.
Чалар беғам созанда шамол,
Бўртиб бўйин томир пайлари.


Шовуллайди, оҳ чекади най,
Шамолларга тўлганда қўйни.
Хоразмлик раққосалардай,
Бошда жиға, ингичка бўйни.


Тинглайверсанг ёмғирда ивиб,
Шовулласа қамишлар оҳи.
Соҳилларда ёмғирпўш кийиб,
Қармоқ ташлаб ўлтирсанг гоҳи.


Ёлғиз ўзинг хаёлга ботсанг,
Уйга кетмай хафталаб, ойлаб.
Тунлар қамиш чайлада ётсанг,
Ойнинг балқиб чиқишин пойлаб.




22 октябр, 2014 йил.

Кундуз соат 11 дан 34 дақиқа ўтди.

Канада.

 

0_c3d3c_17d15098_XL (700x502, 185Kb)

 

 

 

город Бремптон (202x216, 31Kb)

Холдор Вулқон

Ўзбекистон Ёзувчилар уюшмасининг аъзоси

Тасодифий учрашув



Шамол, сени танидим, ишон,
Бу сен, ўша далада эсган.
Ғир -ғир эсиб, ул оташфишон,
Жазирама тафтини кесган.

Ҳамқишлоқлар омонми, шамол,
Соғиндими эл мени ростдан?
Ёмон кўрма, олмагин малол,
Сенга дардим айласам достон.

Шалдирарми дарё кечуви,
Биз қўй, сигир ҳайдаб ўтган жой?
Ялтирарми дарёнинг суви,
Қўрғонласа сукунатда ой?

Чўчқахона ҳалиям борми?
Шовулларми тераклар ҳамон?
Ёлғизоёқ сўқмоқ элтарми,
Одамларни соҳилга тамон?


Балки булутларнинг тубида,
Ой сийнаси қолар очилиб.
Шаффоф шолипоя сувида,
Минг -минг юлдуз ётар сочилиб...


Кечир, йўлдан қўйдим наҳорда,
Гигант эдим, уйга сиғмадим.
Уммон орти, улкан шаҳарда,
Шамол, сени таниб, йиғладим.




25 апрел, 2014 йил.
Кундуз соат 5 дан 0 дақиқа ўтди.
Канада.

 

 

 

Най

(Буюк найчи созанда ва яхши инсон Абдулаҳад Абдурашидовга)



Дарёларнинг лабида ҳамон,
Нола қилар соҳил найлари.
Чалар беғам созанда шамол,
Бўртиб бўйин томир пайлари.


Шовуллайди, оҳ чекади най,
Шамолларга тўлганда қўйни.
Хоразмлик раққосалардай,
Бошда жиға, ингичка бўйни.


Тинглайверсанг ёмғирда ивиб,
Шовулласа қамишлар оҳи.
Соҳилларда ёмғирпўш кийиб,
Қармоқ ташлаб ўлтирсанг гоҳи.


Ёлғиз ўзинг хаёлга ботсанг,
Уйга кетмай хафталаб, ойлаб.
Тунлар қамиш чайлада ётсанг,
Ойнинг балқиб чиқишин пойлаб.




22 октябр, 2014 йил.
Кундуз соат 11 дан 34 дақиқа ўтди.
Канада.

 

 

Қалдирғоч

 

Кузда кетганингни сезмай қолар эл,
Ҳаттоки ортингдан юрса ҳам пойлаб.
Кўкда қанотларинг ивитсада сел,
Уммонлар устидан учасан ойлаб.

Бўронлар ҳам сени тўсолмас йўлдан,
Гоҳо сени қуюқ туманлар ютар.
Уй олиб Маслахат ё Олтинкўлдан,
Биз каби бир жойда яшасанг нетар?

Ҳар баҳор халлослаб қайтиб келасан,
Қишласангда Миср ва ёки Чинда,
Чуғур чуғур сайраб, завққа тўласан,
Лойлар маржонидан қурилган инда.

Лойни ийлармишсан сўлагинг билан,
Бу қандай гувалак, айт, қандай усул?
Кўлмакларда гоҳо айтганча ўлан,
Чўмиласан, гўё қилгандай ғусл.

Бу йил яна излаб яшамоққа жой,
Эшитдим, қалдирғоч, келибсан қайтиб.
Яна ин қурибсан, тумшуғингда лой,
Бизни хашарга ҳам қўймабсан айтиб.

 

 

24 май, 2014 йил.

Тунги соат 1 дан 17 дақиқа ўтди.

Канада.



Болалик

(Тўбо хола ҳотирасига)



Четан чавра билан ўралган боғлар,
Боғда гилосларнинг бағри қонайди.
Юлғинзорда шамол тентиган чоғлар,
Какку менинг қолган умрим санайди.

Ғуриллайди толзор тамонда ғуррак,
Трактор кемадай ташлайди лангар.
Бўйнин чўзиб ханграр яйловда эшак,
Овози кенг дала даштларда янграр.

Қуймоқ пиширади қуёшдан июнь,
Ғир ғир эсиб ўтар дайди шабада.
Узоқ увотларда рақс тушар қуюн,
Тракторчи ухлаб ётар капада.

Дала йўлда мопед қўйгандай пойга,
Тириллар, кўтариб қияликда чанг.
Тепаликда элни чақириб чойга,
Ошпаз Тўбо хола ура бошлар занг.



Танг! Танг! Танг! Танг!

 

 

1989 йил, Июль.Маслахат қишлоғи.

 

"Болалик" номли шеърнинг лирик қаҳрамони - тўладан келган, ўрта бўйли, оқ сариқ юзли қувноқ аёлни ҳамма Тўпа хола деб чақирар, Тўпа хола эркагу аёлга ҳазиллашиб: -Ҳа, тирик етим, юрибсанми? -дея муомала қилар, лекин ундан ҳеч ким хафа бўлмасди.

 

Қайтага хурсанд бўлиб кулишарди.


Қишлоғимизда у аёлнинг обрў ҳурмати жуда юқори эди.


Гарчанд Тўпа хола табиатан қувноқ бўлсада, ғам қайғу, хасратларини табассум ва кулги ортига беркитарди.


Мен авваллари Тўпа холамнинг исмлари Тухфахон бўлса керак деб юрардим.


Кейин билсам, ўша болалик хотираларимга мухрланган меҳнаткаш, меҳрибон, камтарин ва қувноқ аёлнинг исми  Жаннатда ўсадиган "Тўбо" дарахти билан боғлиқ экан.


Илоҳим, ўз исмининг луғовий маъносини англаб етмай оламдан ўтган соддагина Тўбо холамнинг жойлари  ўша Тўбо дарахтлари ўсадиган Жаннатдан бўлсин.(Х.В.)

 

Садоқатли чирилдоқ



Оқшом. Дала ховли, ўйга чўмасан,
Хонанг деразасин боғларга очиб.
Менчи киприк қоқмай туравераман.
Эринг келганда ҳам кетмайман қочиб.


Эсингдами, сени фироқ ўтида,
Куйдириб бир замон кетгандим ўлиб.
Мана, тағин қайтиб келдим ёнингга.
Қайтадан тирилиб, чирилдоқ бўлиб.


Ховлингда бунча кўп бўлмаса гуллар?
Ё бугун байрамми, гуллар сайлими?
Севгилим, шу гуллар очилиб ётган,
Ховлингда чириллаб юрсам майлими?




1999 йил, август,

Тошкент, тунгги соат 12 ярим.

Дўрмон. Ёзувчилар ижод боғи.

1 – корпус, 3 – қават, 52 – хона.

 

Шу "Садоқатли чирилдоқ" номли шеърни қия очиқ дераза ёнидаги столга мук тушиб ёзаётганимда чирилдоқлар чириллаб ётган Дўрмон ёзувчилар боғи сукунат қаърига чўмган, Тошкент осмонида сон саноқсиз юлдузлар чарақлаб ётар, узоқ узоқлардан тун итларининг бўғиқ акиллаган овозлари қулоққа чалинарди.


Бир маҳал адабиётимиз оқсоқоли, раҳматли Сайид Аҳмаднинг дачаси тамондан одамнинг акса урган товушлари эшитилди.


-Қария Сайид Аҳмад аристократларга ўхшаб тамакини бурнаки қилиб, акса уряпти чоғи -дея ўйларканман, ўзимга ўзим жилмайиб қўйгандим ўшанда. (Х.В.)

 

 

Қуюқлашар кузги далада туман



Бир юпун мавжудод енглари узун,
Дала адоғида ўйларга ботар.
Сояси акс этган кўлмаклар юзин,
Ёмғирлар аёвсиз чимчилаб ўтар.


Шоирларга ўхшаб хаёлга чўмган,
Яйдоқ кенгликлардан излар тепани.
Ёлғизлик ва жимлик ёқади унга,
Ёқади сукунат, қорлар кафани.

 

Далаларга кузги туманлар тушса,
Пахталик шим кийиб, латтахоч тақар.
Мусофир қушларнинг галаси учса,
Уларга узоқдан мунғайиб боқар.

 

Қиш эди, қорларга туртиниб, бордим,
Ҳавога ўрлади қарғалар юзлаб.
Кўрдим қўриқчини, узоқдан кўрдим,
Аёзли далада қолибди музлаб.



26 июль, 2012 йил.
Тонги соат 7дан 55 минут ўтди.
Торонто шаҳри, Канада.

 

 

Товуш



Ёмғир ёғаверсин йўлларни ювиб,
Ёғду ёғаётган ёмғирнинг ёғи.
Шамол қанотлари шалоббо ивиб,
Учолмай қайдадир ётибди чоғи.

Бораман, туманли шомларда кутгил,
Қорайганда куннинг оппоқ бўзлари.
Йўлларимга боқиб, мунграйса буткул,
Пастак деразангнинг хорғин кўзлари.

Фонус ёруғида ёмғирли йўлак,
Кўлмаклар жимирлаб ўйларга ботар.
Сен ҳам ёмғирларга термулсанг керак,
Хиёбон руҳимдай хувиллаб ётар.

Кимсасиз йўллардан одимлайман жим,
Сукунат туманга сингиган они.
Эшитдим жимликда, аниқ эшитдим,
Чирт этиб япроқнинг узилди жони.




28 октябр, 2014 йил.
Тунги соат 9 дан 33 дақиқа ўтди.
Бремптон шаҳри, Канада.

 

 

Баҳор оқшоми



Кўз ёшдай тўкилар гилос гуллари,
Сўнади уфқларда оташи сўзон.
Ҳаловат тўшалган боғда тунлари,
Нафис ой шуъласи, гўзал гул тўзон.


Оппоқ гул ёғади мисоли рўё,
Қалдирғоч ухлайди тумшуқлари лой.
Кул билан ювилган идишдай гўё,
Сокин ховузларга чўкиб кетар ой.



13 май, 2014 йил.
Кундуз соат 10 дан 24 дақиқа ўтди.
Канада.



Хазонларга кўмилди йўллар



Боди изғиринда ялонғоч, юпун,
Яланг новдалари қолса ҳам қақшаб,
Оппоқ чойшаб ичра ухламоқ учун,
Боғлар ечинаркан аёлга ўхшаб.


Ловуллаб ёнганча кузги гулханда,
Гувиллар хаёли паришон боғлар.
Ўйчан куз лабида қахрабо ханда
Телба гирватларга термулган чоғлар.


Ойдинда дарахтлар сояси майин,
Оҳиста хазонга кўмилса томлар.
Кўча фонусига тираб манглайин,
Йиғласа мўридай қорайган шомлар.


Олис ўлкалардан келгандай қайтиб,
Дарчангдан тўлин ой мўралаган пайт,
Адашган йўловчи сингари дайдиб,
Гоҳо тушларинга кираманми, айт?



13  август,  2011  йил.
Кундуз  соат  3 дан  23  минут  ўтди.
Торонто  шаҳри,  Канада.



Нийят



Зулматда чирилдоқ чириллаган он,
Тўлин ой порласа пайкалга қараб.
Яғир дўппинг кийиб, елкангда кетмон,
Далаларда юрсанг ёлғиз, сув тараб.


Сокин увотларда бўзрайса фонар,
Худо юлдузларни бирма бир ёқса.
Оғзини ланг очиб ойдин далалар,
Ойнинг қўрғонига ағрайиб боқса.


Сувлар жилдираса, пушталар тўлиб,
Кўршапалак учса шодон, овозсиз.
Ўлтирсанг порлаган ойга термулиб.
Оддий сувчи бўлсанг, бўлсанг саводсиз.


Шийпон тамондаги сўрида ётсанг,
Ғир – ғир эсаверса тунги шабада.
Уйғонсанг тўрғайлар чулдираётган,
Ўз она юртингда, тонги далада.



7-август, 2010 йил.
Тунги соат 1 дан 56 дақиқа ўтди.
Торонто шаҳри, Канада.



Куз ёмғири



Ўйланасан кузги кечада,
Чеки борми дея фироқнинг.
Эси оғар бўм -бўш кўчада,
Маюс ўйга ботган чироқнинг.


Тўлар сирли шивирга ҳаво,
Руҳинг каби мусаффо, тоза.
Наҳот севги айлади қазо,
Ёмғир кимга очмоқда аза?..


Осмонларга элагин тутар,
Фонус ғамгин нурин элаклаб.
Бўм -бўш шаҳар уйқуга кетар,
Куз ёмғири қуяр челаклаб.



27 май, 2014 йил.
Тунги соат 10 дан 49 дақиқа ўтди.
Канада.




Қорли кеча ва ёруғ нийят



Қоронғу зулматда қўнади сокин,
Қорларнинг учқуни елкамга юзлаб.
Наҳот -дейман - совуқ булутлар ҳоким,
Осмондан юлдузлар тушмоқда музлаб?


Бўронларда маҳзун мусиқа бордай,
Боғлар қор қўйнида ётгандай ухлаб.
Севаман - десайдинг, шивирлаб қордай,
Совқотган қўлларинг иситсам кухлаб.


Соямиз туташса, учқунлар тинмай,
Тўзғиса, чирпираб тушса эланиб.
Узоқ суҳбатлашсак, кетгимиз келмай,
Фонус ёруғида қорга беланиб.



20 октябр, 2014 йил.
Кеч соат 5 дан 39 дақиқа ўтди.
Канада.

 

Синглим Анорага




Руҳим ойдинларда дайдиган сувчи,
Мен сени эслайман, кунда, кун ора.
Жилмайиб, йиғловчи, йиғлаб, жилмайгувчи,
Менинг ювошгина синглим, Анора.


Субҳи содиқ маҳал тақирлатсалар,
Томлар туникасин ёмғирлар чўқиб.
Ўлтирарсан балки меҳробда саҳар,
Сокин сукунатда номозинг ўқиб.


Кўзингдан ёмғирдай тирқирамасин,
Кўз ёшинг суюлган олмосдай оқиб.
Овозсиз йиғласанг, ҳувиллаб ётган,
Акангнинг кимсасиз уйига боқиб.


Кўз ёшинг бебаҳо дур каби асра,
Тинсин кузги сувлар сингари асаб.
Майли ховлимизда заъфарон ҳасрат,
Юрсин япроқлардан гербарий ясаб.




6 август, 2010 йил.
Кундуз соат 8 дан 4 дақиқа ўтди.
Торонто шаҳри, Канада.

 

 

Ғозлар галасининг бўм-бўш челаги



Ёғар куз ёмғири майдалаб, эзиб,
Ёмғирда ювилган ойнадай туйғу.
Соябон остида юрарман кезиб,
Кўлмаклар кўзида исмсиз қайғу.


Сув юзида ғамгин кумуш халқалар,
Шивирлар қамишли соҳиллар лаби.
Бир юпун мажнунтол ёлғиз чайқалар,
Унсиз йиғлаётган паризод каби.


Наҳот тамом бўлди ёмғир кўз ёши?
Табиат йиғидан тўхтади, тинди.
Ер қадар эгилди майсалар боши,
Борлиққа мусаффо ҳаловат инди.


Тортинчоқ ялонғоч боғлар бир ёнда,
Ойнадек ялтирар боғлар йўлаги.
Ғийт - ғийт этар кузги ғамгин осмонда,
Ғозлар галасининг бўм - бўш челаги.




9 июль, 2011 йил.
Тунги соат 2 дан 36 дақиқа ўтди.
Торонто шаҳри, Канада.

 

Юрт соғинчи



Бир соат ичида дунё қариди,
Ёш туриб сочларинг оқарди январь.
Жилмаяр таҳайюл туманларида,
Лаблари атиргул, сочлари анбар.

Бобур ватангадо, Фурқатлар дайди,
Навоий чет элда, қалқийди ашким.
Кимлардир Ватанни севаман дейди,
Ундайларга менинг келади рашким.

Дарахтлар югирар тепаликларда,
Оппоқ учқунларни тўзғитганда ел.
Баҳор келди, музни ёриб чиқ! - дея,
Яна бойчечакни алдайди апрель.

Мен энди муштлашиб қовоқхонада,
Ароққа чўкмайман ҳасратга тўлсам.
Қанийди Ватанда, қорли далада,
Гулханга термулиб жимгина ўлсам.

Дайди шоир ўлди - дея одамлар,
Кўмишса, устимдан тортишса тупроқ.
Хонанга қамалиб, ёлғиз у дамлар,
Сен ўзинг йиғлайсан ҳаммадан кўпроқ.




1 декабрь, 2012 йил.
Кундуз соат 2 дан 12 минут ўтди.
Кембридж шаҳри, Канада.



Кузги қайин



Хазонларни учирмоққа шай,
Кузнинг ўйчан, латиф шамоли.
Автоулов чумолихўрдай,
Ишга шошган авом -чумоли.


Чирпирайди етим япроқлар,
Куз келтирди баргларга қирон.
Хазон эмас, тилла титроқлар,
Қўрқитади уларни бўрон.


Ўйламайди бу ҳақда қайин,
Кокилларин ёйиб насимга.
Йўл бўйида шовуллаб майин,
Қайта -қайта тушар расмга.



27 октябр,2014 йил.
Эрта билан соат 9 дан 1 дақиқа ўтди.
Бремптон шаҳри, Канада.



Кузги ойналарнинг унсиз кўз ёши



Авжланади заъфар инқироз,
Маош олмас дарахтлар ойлаб.
Ўтмай қолган "Пул"лардан бироз,
Олиб қочар шамоллар пойлаб.

Ёмғирларда ялтирайди тош,
Қарар ўйчан табиат ромдан.
Ёғаётган ёмғирмас, кўз ёш,
Кўзларингдан дувиллаб томган.

Сен кетасан соябон қўлда,
Олислайсан мисоли рўё.
Дарахт акси, кўлмакли йўлда,
Чўккан каби кўзгуга гўё.

Сенсиз энди юрак қийналар,
Эриб борар изларингда қум.
Сен кетасан, ғамгин ойналар,
Одам каби йиғлайди юм - юм.



31  июл,  2011  йил.
Кундуз  соат  1  дан  29  минут  ўтди.
Торонто   шаҳри,  Канада.



Апрель


Қуёш ботиб, ғамбода, ғариб,
Уфқларнинг гулхани сўнар.
Эриган қор сувин сипқориб,
Шом қушлари боғларга қўнар.


Ҳилол кўкда порлар паришон,
Кўрасан кўз илғамас жойни.
Мен севаман, севаман, ишон,
Апрель деган ёлғончи ойни.


Биллур қандил сингари томдан,
Сумалаклар тушар узилиб.
Чакиллаган илиқ оқшомда,
Эл уйқуси кетар бузилиб.



1990 йил . Баҳор . Андижон шаҳри .

 

 

 

 

Холдор Вулқон

Ўзбекистон Ёзувчилар уюшмасининг аъзоси

Ҳалол мулкка ҳеч қачон офат етмайди


Мен ўзбек миллиардери Алишер Бурханович Усмановни фақат бойлиги учунгина эмас, у ИНСОНнинг камтаринлиги, ҳалоллиги, тўғрисўзлиги учун қаттиқ ҳурмат қиламан.

Мен миллатчи ё ирқчи эмасман.

Аммо бошқа халқларни ҳам ҳурмат қилган ҳолда Алишер Бурхановичнинг ҳақиқий ўзбек ўғлони экани билан фаҳрланаман.

Алишер аканинг журналистлар билан ўтказган суҳбатларини кузатиб, ҳулосалар чиқараман.

Журналистлар баъзан унга қалтис ва нозик саволлар билан  мурожаат қилиб,"қармоқ" ташлаб ҳам кўрадилар.

Мисол учун "Сиз мусулмонлигингиздан келиб чиқиб, закот тўлаганмисиз?" дегандай.

Аслида саволни бу тарзда берилишининг ўзи кулгили.

Ахир ўзингиз ўйланг, мусулмон одам закотни тўлаб, мен закот тўладим дейдими?

Унда закоти риё, амали хабада бўлмайдими?

Албатта бундай саволни Ислом аҳкомларидан бутунлай беҳабар одамларгина беришлари мумкин.

Теваракдаги молу дунё ортдирган ва топган тутган молидан жудо бўлиб, оёғи осмондан бўлган кимсалар тақдирига синчиклаб назар солинг.

Агар бойлик эгаси закот тўламаса, дунёвий қилиб айтганимизда ҳайру эхсон қилмаса, ёки Худо қайтарган гунох ишлар билан шуғилланса, албатта унинг молига офат етади.

Бойнинг молига офат етмаётган экан, демак у закот тўлаган, ҳайру эҳсон қилган бўлади.

Алишер Бурхановичнинг молу дунёсига офат етмаётганини, аксинча у бойликлар Худонинг ҳикмати билан тобора кўпаяётганини бутун дунё кўриб турибди.

Ҳатто Алишер акани сиёсий ўйинларга, фитналар ботқоғига судраб, мухолифат деб айтиладиган аллақандай гурухларни қўлламаслигидан нолийдиганлар ҳам бор.

Гўё Алишер ака эндигина бизнесини ривожлантираётган пайтларида унга бир сўм бериб қўйгандай ундан ҳафа бўладилар.

Нима, Алишер ака, мухолифат деб аталгувчи бир бирларининг кўзларини ўйишга тайёр, сиёсат, сиёсий маданият нималигини билмайдиган саводсиз, қандайдир пароканда тўдани қўллаб, урушларга йўл очиб, бегунох ватандошларимизнинг қирилиб кетиши, болаларнинг қонлари тўкилиши, ота -буваларимиз барпо этиб кетган муаззам шаҳарларимизнинг вайрон бўлиши учун инвестиция ётқизсинми?

Мени энг ҳайрон қолдирган яна бир нарса, Алишер Бурхановичнинг ўз интервьюсида: -Билмадим, балки ўз вақтида халққа, элга ҳалол хизмат қилган, аммо хизматлари муносиб тақдирланмаган, етарли қадрланмаган аждодларимга берилиши керак бўлган бу бойликларни Худои Таоло менга берган бўлса керак -дея олға сурган тахмини бўлди.

Мен Алишер Бурхановичнинг мана шу тахминига қойил қолдим.

Ҳа, буюк одамларнинг фикри ҳам буюк бўлади.Алишер аканинг юқорида айтган гаплари Қуръони Карим ҳикматларига ҳамоҳанг.

Эсланг, ўтган рамазон ойида биз ҳурмат қилган Америка Қўшма Штатларининг президенти жаноб Барак Обама ўзи христиан бўлишига қарамай, Оқ Уйда мусулмонлар учун ифторлик бераркан, оғиз очилиши олдидан қисқа, аммо ҳикматли нутқ сўзлади.

Жаноб Барак Обама Қуръони Каримдан "Зарротун ҳойран яро ва зарратун шаррон яро" оятини келтириб, Худои Таоло заррача қилинган яхшиликни ҳам абатта муносиб тақдирлайди.

Яъни яхшиликнинг катта кичиги бўлмайди.

Биз эса гарчанд динимиз бошқа бўлсада, ҳаммамиз Худонинг бандаларимиз.

Бир бирларимизга яхшиликни раво кўрайлик.

Барча мусулмонларни рамозон рўзаси билан муборакбод этаман.Рўзадорлар эрталабдан бери туз тотмаганлар.Қоринлар анча очиб қолган.Шуни хисобга олган ҳолда, сизларни толиқтириб қўймаслик учун сўзимни якунлайман -деди у ўзининг машҳур табассуми билан жилмайиб.

Яъни унинг сўзлари ҳам жаноб Алишер Бурханович Усмановнинг айтган гапларига мазмунан яқин янгради.

Ҳа, Худо ҳар бир зарра яхшилигимизни мукофотсиз қолдирмагани каби, ҳар бир зарра ёмонлигимиз учун ҳам муайян ва муқаррар жазоларни белгилаб қўйганки, у нарсалар сизга етмаса, сизнинг келажак авлодларингизга албатта етади.

Хулоса шу. Бировни ғийбат қилмай, ноҳақ тахқирламай, ёмон сўзлар билан дилига жароҳатлар етказмай, зулм қилмай  яшашга ҳаракат қилишимиз керак экан.

Бу борада Худо барака берган Алишер Бурхановичнинг тутган позициялари ҳаммамиз учун буюк ибратдир.

Чунки Алишер Бурханович ўзининг битмас туганмас бойликларига мағрур эмаслар.

Аксинча, оддий, ТОЗА, ҲАЛОЛ ОДАМ  бўла олиш ҳар қандай бойликдан юқори эканлигини чуқур англаб етган, донишманд ва камтарин инсондирлар.

У ИНСОН ҳазрати АЛИШЕР НАВОИЙнинг:

"Эй, Навоий, ҳеч киши давлатга мағрур ўлмасун"

деган мисраларини ўқиганлар ва шунга қатъий амал қиладилар.

Алишер ака, яқинларингиз ва биз каби дўстларингиз бахтига доимо соғ ва омон бўлинг!

Ҳурмат билан, Холдор Вулқон.

 

 

 

17 ноябр, 2013 йил.

Кундуз соат 11 дан 6 дақиқа ўтди.

Канада.

 

0_c3d3f_4c0c2109_XL (700x462, 134Kb)

 

 
90646770 (235x265, 20Kb)

Холдор Вулкан

Член Союза Писателей Узбекистана

У этой повести есть волшебная сила. Если вы начнете читать эту книгу, то не сможете остановиться.Повесть просто затянет вас к себе как зыбучие пески в пустыне и поглащает. Читайте и наслаждайтесь.

С уважением, Х.В.

Отрывок из любовной повести Холдора Вулкана "Листопад"


- К сожалению, Вы пока не найдете моего романа в книжных магазинах страны. Но есть надежда, что его опубликует одно крупное издательство, с которым я подписал контракт. Да, писатели тоже люди, и у них тоже есть семья, дети. То есть им тоже нужны деньги. Но я пишу в основном не для публикации. Мне ни с чем сравнить наслаждения, которое я получаю, когда пишу свои произведения. Люблю рыбалку, одиночество и тишину. Спать ложусь поздно, но просыпаюсь на рассвете, когда другие спят сладким сном, и в тишине прислушиваюсь к звонким утренним трелям недавно проснувшихся птиц. Улицы безлюдны. Если не считать птичий гам, то можно считать что вокруг царит тишина. Воздух прохладный и чистый. В такие часы кажется, что сознание углубляется, и разум становится прозрачный, словно зеркало. Потом выходишь во двор и, сидя на ступеньках деревянной лестницы своей хижины, внимаешь прохладной тишине, наблюдая за медленно и постепенно бледнеющим горизонтом, который пестреет полосами, словно порванная шелковая женская ночная рубашка бледно желтого цвета. Из далеких клеверных полей доносятся голоса диких перепелок: Вывык!Вывык! Бытбылдык! Бытбылдык! Тут начинается перекличка петухов. Издалека еле доносится дробь барабанов и надрывный плач сурная (восточный деревянный духовой музыкальный инструмент), зазывая людей на бесплатный свадебный завтрак, куда может приходить любой человек, без приглашения.-Ыггогго! -ыггогго -гогу гого! звучат звуки карная и дробь барабана типа Гамба гамбл -гамбла гамбл!Эти далекие звуки не нарушают тишину, наоборот, украшают ее своим присутствием. Особенно когда ты с кетменем на плече идешь по утренней тропе, заросшей с двух сторон высокой травой, начинает сверкать алмазом утренняя роса, и с восходом солнца, заливаясь, поют жаворонки над полем. Ты остановишься с улыбкой на устах, чтобы слушать радостные песни этих птиц, которые поют. Ты слушаешь их песни, и тебе не хочется уходить. Потом с приподнятым настроением зашагаешь дальше, как говорят, семимильными шагами. Хорошо, что есть поле, к моему счастью. Если бы мне предложили работу в каком-то многолюдном городе и назначили заработную плату в размере пять тысячи долларов США в месяц, то я все равно не смог бы жить и работать там долго. Я бы умер прямо у рабочего станка от тоски по широким полям и по родному селению, постепенно худея, теряя дар речи как одичалый человек. Без полей, я как дельфин без моря. Люблю немой полет белых бабочек, которые трепещут над тропинками, безмолвно гоняясь друг за другом. Полет белых бабочек - это живое изображение тишины, которое художники не в силах изобразить в своих картинах. Я долго работаю на поле, стуча кетменем, и сажусь не для того, чтобы отдохнуть, нет. Для того чтобы стряхнуть сапог, в который попал комок. Я снимаю сапог с ноги и начинаю его трясти, держа его как трубу буржуйки, которую очищают зимой от копоти. Между тем, я слышу далекий и печальный голос одинокого удода и замираю с сапогом в руках: "Пупупуп! Пупупуп! Пупупуп! Пишшшшш!"."Пупупуп! Пупупуп! Пупупуп! Пишшшшш!". Я слушаю плач удода, замерая. Потом надеваю сапог и снова, продолжаю работать. Я раньше думал, почему мне всегда хочется плакать, когда услышу голос удода на полях. Потом понял, что это голос, оказывается, связан с моим детством, и он напоминает мне те далекие годы, когда я ходил на поле вместе с моей покойной мамой. Смутно помню тот полевой стан с камышовой крышей, высокие тополя и огромные ивы, в тени которых мы, дети, играли. Рядом журчала прозрачная чистая вода в арыке. На ветвях высоких тополей сотни воробьиных гнёзд, рыжую солому которых трепали ветры. Воробьи хором шумели, оглушая окрестность. А как шумели эти тополя и ивы на вольных ветрах! Няньки привязывали арканы гамаков на стволы тополей и, уложив в эти гамаки малышей, качали их, громко напевая колыбельную. За полевым станом - поля. На полях работали женщины, сверкая вдалеке остриями своих кетменей. Я до сих пор скучаю по этим полям, по тутовым деревьям с моршнистыми стволами похожими на ноги слона. Скучаю по тем высоким тополям, по ивам, по шуму и гаму воробьиных стай, и даже скучаю по запаху обработанных пестицидами семян хлопчатника, которые лежали в яме. Как ни странно, запах пестицидов - это тоже запах моего детства. Каждый раз, когда думаю об этом, слезы появляются в моих глазах. Почему, не знаю, но это так. Тот полевой стан и деревья, те люди давно исчезли. Но они живут на полях моих воспоминаний, и никто не может их убить и разрушить. С такими мыслями я снова приступаю к работе. Работаю, работаю, и вдруг снова останавливаюсь, выпрямляя спину, и прислушиваюсь к голосу кукушки, который доносится со стороны берегов, где растут маслины, которые расцвели. Приятный запах цветущих маслин разносят по полю пьяные ветры. О, видели бы Вы тот момент, когда я возвращаюсь с поля на фоне пылающего заката! Я иду усталый, но с хорошим настроением по знакомой до боли тропе, заросшей с двух сторон высокой травой, отгоняя назойливых комаров. Пока я пересекаю поле, тихо опускается вечер, и начинает смеркаться. Я иду по тропе, шагая с кетменем на плече. Но не без остановки, конечно. Останавливаюсь только, чтобы понаблюдать за луной, которая медленно поднимается из-за горизонта, тихо освещая хлопковые поля. Глядя на поднимающуюся луну, прислушиваюсь к пению сверчков, которые хором и ритмично стрекочут, но самих их не видать. А луна сияет самозабвенно. Там, над селением на небосводе, мерцают несметные звезды. Я приковываю свой взгляд на созвездие Большая Медведица, похожее на хрустальный черпак. А там - Малая Медведица. Я стою и никак не могу отвести взгляд от небесных светил. Я дехканин. Работаю и на другом поле, на поле литературы. Я сею семена доброты в сердца людей. Я знаю, что эти семена когда-нибудь обязательно вырастут и дадут свои плоды, которые принесут удовольствие и радость всем людям планеты. Напоследок я бы сказал так: для меня творчество - это жизнь. А жизнь - это творение, то есть тоже творчество, творчество Всемогущего БОГА - подытожил свой рассказ писатель Каландар Хазрат Ибн Абдельфаттах.
- Ндааа, я никогда не думала, что когда-нибудь встречу такого живого писателя, как Вы, да еще здесь, на берегу реки. Если честно, я восхищена Вашими рассказами - сказала Хуршида. Тут на поверхности береговых вод начал дергаться поплавок удочки писателя Каландара Хазрат Ибн Абдельфаттаха и, взволновав его, исчез под водой. Писатель Каландар Хазрат Ибн Абдельфаттах начал быстро заматывать леску в барабан и скоро над водой показался горб рыбы, которая нервно трепетала, желая избавиться от крючка. Но ей это не удалось. Каландар Хазрат Ибн Абдельфаттах вытащил рыбу из воды и, освободив ее от крючка, бросил на берег, где стояла Хуршида. Она даже испугалась и отскочила назад, насмешив при этом писателя Каландар Хазрат Ибн Абдельфаттаха. Они смеялись и радовались, с восхищением глядя на рыбу, которая от нехватки воздуха широко открывала и закрывала рот, конвульсивно дергаясь, корчась и вытаращив не смыкающие круглые, красные глаза без ресниц, пачкая свои серебристые чешуи песком.

 

0_c3d3f_4c0c2109_XL (700x462, 134Kb)

 

 

Холдор Вулкан

Член Союза Писателей Узбекистана

Стабильность в обществе -гарантия экономического процветания



В Узбекистане как и в других странах дружно и мирно живут представители многих народов.


Каждый, кто родился и вырос в этой Республике, считает Узбекистан своей исторической Родиной и независимо от своей национальной принадлежности расы и вероисповедания, чувствует себя членом этой единой огромной семьи, под названием УЗБЕКИСТАН.


Многонациональный народ нашей страны как и другие народы хочет, чтобы в Узбекистане процветала экономика и улучшалась уровень жизни насиления.


Тут возникает вопрос о том, что мы должны делать, чтобы осуществилась всеобщая мечта УЗБЕКИСТАНЦЕВ?


Всем известно, что любая развивающаяся экономика в мире нуждается в дополнительной финансовой подпитке, то есть требует вложение инвеститции.


А зарубежные инвесторы вкладывают свой капитал только в развитие экономики тех стран, где существует мир, спокойствие, стабильность в обществе, гарантия свободы и финансовая защищенность.


Если мы хотим, чтобы зарубежные инвесторы смело вкладывали свой капитал в экономику нашего Государство и построили высокотехнологичные производственные комплексы, заводы и фабрики, создавая тысячу и миллиона новых рабочих мест, то каждый гражданин нашей страны, считающий Узбекистан своей любимой Родиной, должен внести свою лепту этому благородному делу так, чтобы в стране сохранился мир и спокойствие и стабильность в регионе.


Я прызиваю всех Узбекистанцев тесно сплотиться вокруг будущего нового Президента нашей независимой Республики Узбекистан, не давая повод невидимым силам, которые заинтересованы в том, чтобы во всем центрально - азиатском регионе царил хаос.


Только мир спокойствие и стабильность может гарантировать процеватание экономики и благополучие в стране.




25/09/2016.

6:33 вечера.

Канада.

 

 

Россия уступила Канаде в полуфинале Кубка мира по хоккею

Фото: Reuters.

Канада обыграла Россию в полуфинале Кубка мира по хоккею

 

Сборная Канады обыграла команду России в полуфинальном матче Кубка мира по хоккею, поединок завершился со счетом 5:3.

Встреча состоялась 25 сентября на ледовой арене Air Canada Centre в Торонто. У россиян отличились Никита Кучеров (29-я минута), Евгений Кузнецов (27-я минута) и Артемий Панарин (60-я минута), у канадцев – Сидни Кросби (8-я минута), Брэд Маршан (на его счету две шайбы, на 38-й и 42-й минутах), Кори Перри (46-я минута) и Джон Таварес (50-я минута).

 

 

Источник: LENTA.RU

 

Наши сердечные поздравления канадским хоккеистам!

Image result for канадским хоккеистам

 

Холдор Вулқон

Ўзбекистон Ёзувчилар уюшмасининг аъзоси


Эхтиёж устига қурилган дунё



Айрим кимсалар Холдор Вулқон нима қилиб бўлса ҳам Ватанга қайтиш учун тиришиб, тирмашиб, мамлакатда юз бераётган бугунги сиёсий ўзгаришлар ўзанидаги оқимга қараб ҳаракатланиб, катталарга ялтоқланмоқда, пахта қўймоқда десалар адашадилар.


Чунки мен Шавкат Миромонович Мирзиёев табиатидаги юксак фазилатларни бир неча йиллар аввал илғаганман.Кимларгадир мақтанишдай туюлсада айтай.Бир куни Канадада яшайдиган авғонистонлик ўзбеклар "Сизнингча Каримовдан кейин Ўзбекистонга ким президент бўлади?" -дея сўрадилар.Мен уларга: -Каримовдан кейин Ўзбекистонга Шавкат Мирзиёев президент бўлади -дея айтганман ва ростдан ҳам Шавкат Мирзиёев Президент сайловларида ғалаба қозониб, Ўзбекистон Республикаси президенти бўлдилар. Шундан кейин ўша савол берган авғон ўзбеклари менга: -Холдор Вулқон, авлиё экансизку.Биз ўшанда ишонмаган эдик.Лекин сиз айтгандай Шавкат Мирзиёев Ўзбекистон Республикаси президенти этиб сайландилар  -дея ҳайратланишди.

Албатта, жуда унақа авлиё бўлмасак ҳам, Худо юқтирган озгина илоҳий ҳислатлар менда йўқ эмас.


Тўғри, Ватанга қайтиш нийятим бор.


Аммо мен Шавкат Миромонович ҳақидаги ижобий мақолаларимни Ватанга қайтиш илинжида эмас, чин юракдан ёздим.Буни Худо кўриб, билиб турибди.


Мен чет элга чиққач, яхшини ёмондан, дўстни душмандан ажратдим, кўзим мошдай очилди, ичкилик ва бошқа зарарли иллатлардан руҳимни, қалбимни, жисму жасадимни тозаладим, ақлим тинди.


Йиллар давомида ўзим каби чет элларда юрган, ўзларини мухолифатчи хисоблайдиганларнинг мақсаду матлабини, фаолиятини, бирма бир тафаккурим ғалвиридан ўтказдим ва уларга нисбатан муносабатим кескин ўзгарди, ҳамда ундайларга эргашиб, катта хатога йўл қўйганимни англаб етдим.


Дунёвий конструктив мухолифатнинг йўқлигига, ундай ноаҳил тўда йўқ айиқнинг терисини талашиб, чиябўрилар галаси каби аллақачон бир бирларини ғажиб, тилка пора қилиб, тугатганларига амин бўлдим.

Менинг Ватанга қайтишимни истамаган, ўзлари каби ватангадоликни давом этдириб, шу ёқларда хору зор бўлишимни ҳохловчи маккор ёғийлар албатта мен авваллари адашиб ёзган, лекин хато қилганимни англагач, ундай йиғи сиғи, бақир чақирга тўла ижтимоий сиёсий қора ёзғаваларимнинг ҳаммасини тўплаб, ахлат қутисига улоқтирган эсамда, уларни ёғийлар ахлат қутисидан титкилаб топиб, эълон қилиб, йўлимга чуқур қазишга интилишлари табиий.

Шундан келиб чиқиб, ёғийлар шум нийятига етолмаслиги учун, асоссиз, фактсиз, адашиб ёзган шеърга ўхшаш қуруқ сўзлар йиғиндисидан иборат номақбул шғир ва мақолаларим учун аввало Халқимдан ва Ўзбекистон Ҳукуматидан расман узр сўрайман.

Мен ўз ёзган китобларимда фақат туйғули, лирик шеърлар, санъат асарларигина қолишини истайман.

Бандасининг ёрдамига ҳеч қачон мухтож бўлмайдиган беэхтиёж, қудратли Худои Таоло тамонидан ЭХТИЁЖ устига қурилган бу дунёда оддий одамдан тортиб подшога қадар барча инсонлар нимагадир, кимгадир мухтож яшар эканлар.


Ҳатто бойлиги бехисоб, тевараги тахт одам ҳам баъзан қалбида кири йўқ, хасад ва бахиллик нималигини билмайдиган самимий, оддий бир инсон билан юракдан суҳбатлашишга ўзида эҳтиёж сезади.


Ҳаёт деган сирли мошинанинг мотори ҳам айнан шу ЭХТИЁЖ эканини англаб етиш учун одамнинг файласуф олим бўлиши шарт эмас.


Шу маънода мен ҳам бошқалар каби сувга, нонга, ҳавогагина эхтиёжманд бўлиб қолмай, бир тоза юракли, самимий дўстга мухтож эдим.


Теваракка аланглаб, пок қалбли, макру ҳийладан йироқ, юраги тонглар каби тоза, садоқатли дўст ахтариб юрган пайтларим Шавкат Миромонович Мирзиёевнинг Мамлакатимиз иқтисодиётини юксалтириш йўлида олиб бораётган фидоий меҳнат фаолияти, ҳалоллиги менинг диққатимни торта бошлади.


У улуғ инсон, ҳалол раҳбар тўғрисида ҳар хил қаланғир - қасанғир, майда чуйда кимсаларнинг асоссиз иғволари, тухматлари менинг фикримни ўзгартира олмаган ва бундан кейин ҳам ўзгартира олмайди.


Негаки мен ҳаётда қуруқ сафсата лақмалогияни эмас, ҳох у адабиётда, ҳох санъатда, ҳох сиёсатда бўлсин, ўз фаолиятида натижани (результатни)муҳим деб биладиган, қўлидан иш келадиган меҳнаткаш, ҲАЛОЛ ИНСОНЛАРНИ қаттиқ ҳурмат қиламан.


Гарчанд ҳаётда йўлимиз кесишмаган, бирга бир пиёла чой устида суҳбатлашмаган бўлсакда, мен Шавкат Миромоновични ўзимга ғойибона дўст деб биламан.


У инсон секин аста худди туғишган оғамдай менинг қадрдон акамга, ҳурматли дўстимга айланди.


Бугун Шавкат Миромонович Мирзиёевнинг ўз ҳалол меҳнатлари билан халқимизнинг меҳрига сазовор бўлаётганлари, мартабалари тобора юксалиб, енгилмас, забардаст йўлбошчига айланиб бораётганлари эса, менинг у раҳбар табиатидаги юксак фазилатларни тўғри илғай олганимдан далолатдир.


Гарчанд мен тақдир тақозоси билан Ватанимдан узоқда яшасамда, худди Шавкат Миромонович Мирзиёев каби тинимсиз, қора терга ботиб ишладим ва ҳамон ишламоқдаман.


Адабиёт деб аталган оламнинг бепоён далаларида, яғирим чиқиб ишлаб, романлар, повестлар, шеърий рисолалар битиб, ўзга тилларда ҳам ўша тил эгаларининг шоир ёзувчилариданда ўткизиброқ ёздим, ўзбек ёзувчиларининг қудратини бутун дунёга намоиш қилдим.


Яъни мусофир эканман деб мунғайиб, қўл қовуштириб ўтирмадим.


Ўзбек адабиётига, Халқимга, Ватанимга қўлимдан келганича хизмат қилдим.


Элимнинг менга берган тузини оқлашга ҳаракат қилдим.


Мен чет элларда шунча йил беҳуда валақлаб юрмаганим, ҳаётимнинг бесамар ўтмагани билан ҳақли равишда фахрланаман.




17/09/2016.

Кеч соат 8 дан 55 дақиқа ўтди.

Канада, Онтерио.

 

 


 

Холдор Вулқон

Ўзбекистон Ёзувчилар уюшмасининг аъзоси

Навоий ёмон бўлса, сен яхши бўл

(Ўзбекистон Республикаси мустақиллигининг 25 йиллигига)

 

Республикамиз мустақиллигининг 25 йиллик қутлуғ тўйини нишонлаш арафасида бу  байрамга етолмай оламдан кўз юмган ватандошларимиз беихтиёр кўз олдингизга келади.


Шундай улуғ инсонлардан бири, марҳум устозимиз Ўзбекистон қаҳрамони, Ўзбекистон халқ шоири Эркин Воҳидов эди.


"Ўзбегим" қасидаси билан халқимиз юрагида ЎЗБЕКЛИК ифтиҳорини уйғотган, элимизни қалбан ва руҳан бирлаштирган шоир Эркин Воҳидов, ва бу қасидани қўшиққа айлантирган Ўзбекистон халқ ҳофизи Шерали Жўраевлар Миллий Мустақиллигимиз учун ҳаммамиздан кўпроқ хизмат кўрсатдилар.


"Ўзбекистон Ватаним маним" шеърини ёзган яна бир устозимиз, Ўзбекистон қаҳрамони, Ўзбекистон халқ шоири Абдулла Ориповнинг ҳам халқимизга ўзлигини, ўзбеклигини  танитиш борасида хизматлари беқиёс.


Қани энди Ўзбекистон халқ ҳофизи Шерали Жўраев ўша "Ўзбегим", "Ўзбекистон Ватаним маним", "Замон замон бизнинг замон" ва имкони бўлса "Ватан" номли қўшиқларини Мустақиллик байрами нишонланадиган қутлуғ кунларда Мустақиллик майдонидан туриб куйласалар, бу қўшиқлар халқимиз юрагини ватанпарварлик туйғуларига тўлдирган ва эл севган ҳофизнинг сахналарга қайтиши барчани қувонтирган бўлар эди.


Одатда истеъдодини яратганнинг ўзи ато этган раҳбарлар,шоир ёзувчилар, ҳофизлар, рассомлар, композиторлар, кино ва театр санъати намоёндалари, олимлар бошқа халқларни камситмаган ҳолда ўз Халқини, Ватанини бошқаларга қараганда кучлироқ севадилар.


Улар ИРҚЧИЛИК ва МИЛЛАТЧИЛИК каби халқлар ўртасида низолар келтириб чиқарадиган, нафрат уруғини экадиган, охир оқибат, уруш ва қонли қирғинларга сабаб бўладиган ёвуз ғоялардан хазар қиладилар, ундай жирканч иллатлардан узоқроқ юрадилар.


Бундай улуғ инсонлар юрагига МАҲАЛЛИЙЧИЛИК, МИЛЛАТЧИЛИК деган бузғунчи иллат чаёнлари ин қуролмайди, яқин йўлолмайди.


Ваҳоланки айнан МАҲАЛЛИЙЧИЛИК мамлакатнинг (Худо кўрсатмасин) худудий парчаланишига, бир бутун қудратли халқнинг майда бўлакларга бўлиниб кетишига сабаб бўлади.


Биз Ўзбекистонликлар Ватанимизнинг худудий яхлитлигини истасак, МАҲАЛЛИЙЧИЛИК деган иллатдан, "Мен водий фарзандиман", "Мен воҳа фарзандиман" ёки "Ман тошканликман сан вилоятдан пойизга осилиб келгансан" каби тахқирли гапларни йиғиштиришимиз керак.


Маҳаллийчилик ёвлар шамини ёндириб, мўнгизини ўстириши, бу иллат ёрдамида кўринмас учинчи кучлар халқимизни бир бирига гиж -гижлашлари мумкинлигини ёдимиздан чиқармайлик.


Эркин Воҳидов айтганларидай тошкандликмизми, наманганликмизми, хоразмликмизми, сурхондарёликмизми, самарқандликмизми, ғиждувонликмизми ҳаммамиз Ўзбеклармиз,Абдулла Орипов айтганларидай Ўзбекистон бизнинг ягона Ватанимиз.


Биз умуммиятла қардош халқлар, қорақалпоқлару русларимиз, татарлару тожикларимиз, қозоғу қирғизларимиз  билан бирга, барчамиз бир оила фарзандларидай аҳил иноқ яшовчи ЎЗБЕКИСТОНЛИКЛАРМИЗ.


Уруш қирғин бўлмаслиги, халқимиз қочқинларга, шаҳарларимиз култепага айланмаслиги учун биз энг аввало МАҲАЛЛИЙЧИЛИК, МИЛЛАТЧИЛИК, ИРҚЧИЛИК касалидан мангуга қутилишимиз ва ҳар қандай муаммони маслахат, машварат, музокара йўли билан хал қилишни ўрганмоғимиз керак.


Айниқса Республикамиз Президенти Ислом Каримов бетоб бўлиб қолган шу тахликали кунларда биз ЎЗБЕКИСТОНЛИКЛАР ҳар қачонгидан ҳам мустахкамроқ, орага провокатор ғанимлар сиғмайдиган даражада бақамти баҳамжихат бўлиб бирлашмоғимиз керак.


Мустақиллигимизни асраб қолмоғимиз лозим.


Ўзбекистонимиз нафақат қўшни ва қардош давлатлар билан, балки дунёдаги барча мамлакатлар, хусусан Хитой, Япония, Африка ва Европа давлатлари ҳамда Америка ва Канада каби қудратли мамлакатлар билан ҳам бирдай дўстона муносабатда бўлмоғи керак.


Энди Президентимиз ҳақида икки оғиз яхши гап.


Яхшими ёмонми Ислом Каримов чорак асрдан кўпроқ халқимизга қўлидан келганича хизмат қилди.


Автомобиль заводини барпо этиш, Республикамизни индустриялаштириш, тоғларни тешиб, тунеллар қуриб, тезюрар поездларни йўлга қўйиш, ободончилик ва яна кўплаб савобли ишларни амалга оширилишида бошу қош бўлди.


Энг муҳими, халқимиз учун сув ва ҳаводай зарур бўлган мамлакатимизда ТИНЧЛИК ВА БАРҚАРОРЛИКнинг сақланиши йўлида улкан ишларни амалга оширди.


Кўзга кўринмас кучларнинг турли фитна ва провокацияларига усталик билан чап бериб, ўзига ҳос сиёсий тактика билан иш юрита олди.


Биз бировларнинг хатолари ҳақида гапиришга жуда устамиз.


Негаки ўзгалар хатосини, камчилигини топишданда осонроқ иш йўқ.


Аммо бу дунёда хатога йўл қўймайдиган биронта идеал одамнинг ўзи йўқлигини ва ундай мукаммал одам ё фаришта ёки пайғамбар бўлиши мумкинлигини ҳам эсдан чиқармаслик зарур.

 

Барча яхши, барча оқил, барча доно файласуф,

Қимтиниб бир чеккада юрган ёмонингман, Ватан.

 


Ўзбекистонимизни, Халқимизни ҳар хил фитнаю фожиалардан Худои Таоло ўз панохида асрасин!

 

 

31/08/2016.

Тунги соат 12:16.

Канада.


 

Франц Кафка

Кўнгил иши

(ҳикоя)


Вазирабону Асадова таржимаси

- Стив, севиб қолдим!

- Табриклайман! Сен учун хурсандман, Оливер!

- Раҳмат, дўстим, бироқ бошим қотган.

- Нега?

- Суйганимнинг турмуши бор.

- Оилалими? Боши очиқ хотинлар қуриб кетганмиди сенга? Келиб - келиб эрли аёлга илакишасанми?

- Шуни айт. Кўнгил иши-да, оғайни, энди нима қилишга ҳайронман?

- Муҳаббатнинг кўзлари кўр, деб шунга айтадилар. Аёл - чи? У сени дейдими?

- Шубҳасиз!

- У ҳолда иккиланишга ҳожат йўқ. Ёринг хоҳиши шундай экан, бирга бўлинглар. Умр бир марта берилади, дўстим. Қандингни ур! Энг яхши йўли суюкли маъшуқангни олиб қоч! Тоққа чиқмасанг, дўлана қайда, жон куйдирмасанг, жанона қайда?

- Эри - чи?

- Нима эри? От тепкисини от кўтаради, дейдилар. У тушунади ва тақдирга тан беради, оғайни. Начора ҳаётнинг ўзи шафқатсиз! Қачонгача алданиб яшайди шўрлик! Кўргилик ўргилай, кўргилик! Бошга тушганни кўз кўради.

- Эри кўнмаса - чи?

- Унинг бошқа иложи йўқ. Севмаганга суйкалиш бефойдалигини ҳар қандай эркак ҳам тушунади. Бир ёстиққа бош қўйдим, деб энди бир умр севмаган одам билан яшашга ҳеч ким мажбур эмас. Маслаҳатим: бировнинг хотинини олиб қочганга яраша, суйганингни бахтли қил!

- Бундан ташвишланмасанг ҳам бўлади.

Эртасига каллайи саҳар хотинининг ёнида йўқлигидан безовталаниб Стив ёстиқ устидан икки энлик хат топиб олди: "Мени излама, ортга қайтмайман! Бошқани севиб қолдим..." бу сўзларни ўқиган Стивнинг кўнглидан нимадир "шиғ" этиб ўтиб кетди. У беш йил бирга яшаган жуфти ҳалоли танлаган "бошқа"нинг кимлигинию алданиб яшаган ўша шўрлик ўзи бўлганини англаб етди.


Манба: "Иқбол" интернет саҳифаси.

Андижон шаҳри.

 


 

Холдор Вулқон

Ўзбекистон Ёзувчилар уюшмасининг аъзоси

Фарид Усмонга



Қон томирлар риштадир, шундан жарангдор созимиз,

Бизга шундай соз ато этган Худодан розимиз.

 


Шеър ёзишдек бедаво бир дардни юқтирган азиз,

Камтарин шоир Фарид Усмон бизим устозимиз.

 


Шум қадамлар етмаган тош қоялар мангу макон,

Кўкда бургутлар каби кўз илғамас парвозимиз.

 


Қилмағаймиз эътибор ёғий ғанимлар ҳайлига,

Бор адолатли Худо -явмул қиёмат Қозимиз.

 


Йиғламай қувноқ яшармиз бу фано тупроғида,

Титратар оламни гарчанд оҳ ила фарёдимиз.




16/06/2016.

Кеч соат 8:02.

Канада.

Андижонлик улуғ ИНСОНларни ёд айлаб

 

Андижонда кўплаб бообрў, камтарин, донишманд ижодкорлар, олимлар ўтганларки, уларнинг саноғига етиш мушкул.

Шундай улуғ инсонлардан бири буюк навоийшунос олим математик Омонуллохон Валихонов Боқир бўлиб, мен бу инсоннинг ҳам назарига тушиш, ва дуоларини олишга улгурганман.Қотма қорачадан келган, нигохи фикрлари каби ўткир ва теран бу олим билан Андижон адабиёт музейида, шеърият анжуманида учрашиб қолдим ва у менинг шеърларимга юксак баҳо бериш билан бирга аруз вазнида қилган машқларимдаги айрим хатоларимни тўғрилашга ёрдам берди, архаик сўзлар маъно -моҳиятини эринмай тушунтирди.

Унинг менга сенлаб мурожаат этганидан хафа бўлмадим.Қайтага, шундай улуғ адабиётшунос олим мени қалбига яқин олди дея хурсанд бўлдим.

Аммо Имодиддин Улфат, Восит Саъдуллалар билан учрашиш менга насиб этмади.

Устоз адиб, лирик шоир Олимжон Холдорнинг дуосини олганман.Олимжон Холдор шундоқ кўчада қўлларини дуога очиб: Буюк шоир бўлинг, бошқа гап йўқ, омин Оллоху Акбар дея юзларига фотиха тортдилар.

Ўзбекистон халқ шоири Тўлан Низом ҳам қийналиб қолган пайтларим менга кўп ёрдам берганлар.

Ёниқ шоир Фарид Усмон эса менга илк бор шеър ёзиш техникасини ўргатганлар.

Ул зотлардан Яратган Парвардигори олам рози бўлсин.Андижонда яна бир тилшунос олим борки, бу инсон ҳақида ҳам ёзмасам бўлмайди.

У Мухторхон Умархўжаевдир. Бу инсон немис тили бўйича мутаҳассис олим.У ўзининг немис тили шеваларидаги сўзлар таснифотига бағишланган докторлик диссертациясини Германияда ёқлаганлар.

Германияни бошдан оёқ кезиб, немисларнинг ўзларига ҳам маълум бўлмаган шева сўзларини тўплаб, уларнинг келиб чиқиши, мазмунини изохлаб, таснифлаганлар.

Мухторхон ака Пайғамбар Алайхиссаломнинг авлоди эканлиги учунми, юзларида нур, амалида файзу баракотлар бор.

У олим билан суҳбатлашган одам ҳар доим янги, қулоқ эшитмаган ҳикматли гапларни эшитади.

Қалбида кири, кибри йўқ, доимо суҳбатдошига беғараз жилмайиб қарайдиган, хасад, кек, бахиллик, қитмирлик, макру ҳийла нималигини билмайдиган бу очиқчеҳра улуғ инсоннинг бирон марта қовоғини уйганини, бировнинг устидан кулганини, кўча кўйда майда чуйда, бачкана кимсалар билан ичкилик ичиб юрганини кўрмаганман ва нимадандир норизо бўлганини, бировни ғийбат қилганини, ёлғон гапирганини, сўкинганини эшитмаганман.

Доимо кастим шим кийиб, бўйинбоғ тақиб юрадиган маданиятли, диди юксак, камтарин,одоб ахлоқли, ҳар хил зиною маъсиятлардан, харом харишдан йироқ, қалби тонг каби беғубор, олийжаноб у инсонга ҳамиша хавас қилиб яшаганман.

Мухторхон ака узоқ йиллар Андижон чет тиллар институтида ректор бўлиб  ишладилар.

Ҳозир невара чеваралари бағрида қарилик гаштини сураётир.

Камтарин, донишманд олим, филология фанлари доктори Мухторхон Умархўжаевнинг умрлари узоқ бўлсин, илоҳим.

Ҳурмат билан, Холдор Вулқон.

 

 

 

06/07/2016.

Кундуз соат 2:27.

Канада.