Поиск

Холдор Вулқон

Ўзбекистон Ёзувчилари уюшмасининг аъзоси

 

Шоир Муҳаммад Солихдан(Салай Муҳаммадаминовдан)бошқа хорижда яшаётган ўзбекистонликлар Ўзбекистонга ўгайми?



Бир гурух ўзбек зиёлийларининг шоир Муҳаммад Солихни ватанга қайтариш тўғрисидаги Президент Шавкат Мирзиёевга йўллаган мурожаатини мен ҳам қўллаб қувватлайман.

Табиий, устоз шоир Шукрилло домла жамиятда юз бериб турадиган турли адолатсизликларга ҳар доим ўз муносабатларини билдириб келганлар.


Бу аниқ.


Рўйхатдаги бошқа шоир ёзувчиларнинг ҳам бугунги дадилликларини қадрлаймиз.


Уларга қарата: -бир пайтлар мум тишлаб жим юрар эдингизлар.Энди карнайчи ва сурнайчилар кўпайиб, яқин кунларда ҳам дадил бир оғиз гап айтишга қўрққан эхтиёткор кимсаларнинг бугун тили чиқиб қолибди дея заҳарханда қилиш фикридан йироқмиз.


Менинг у мурожаатга биттагина эътирозим бор.


У ҳам бўлса, фақатгина шоир Муҳаммад Солиҳни эмас, балки озодлик, сўз эркинлиги, хурфикрлик, демократиядан махрум этилган халқ манфаатлари учун ўз вақтида курашиб, овозини ютиб ётмай, ўша махдуд замонларда ҳам ўз сўзини дадил айта олган ва шу сабаб ҳукуматга ёмон кўринган ва охир оқибат мажбуран хорижга кетган Ўзбекистоннинг бошқа фарзандларини ҳам реабилитация қилиб, фуқаролик статусларини қайта тиклаб, уларнинг барчасини ватанга қайтармоқ керак деган таклифим бор ҳалос.


Бу борада Президент Мирзиёевга ҳам ақл ўргатмоқчи эмасман.


Аммо, у киши биронта фармон имзолаб, ватанга қарши қурол кўтармаган, қонли жиноятлар содир этмаган, чет элда вақтинча, яхши кунларни кутиб яшаган юзлаб Ўзбекистон фарзандларини, журналист ва зиёлийларини ватанга қайтариш йўлида умумий авф эълон қилсалар айни муддао бўлар эди деган фикрдаман.



Холдор Вулқон

Ўзбекистон Ёзувчилар уюшмасининг аъзоси.

Ёзувчи.


09/02/2018.
Кундуз соат 12:46.
Канада, Онтерио.