Поиск

hqdefault (480x360, 10Kb)

Ўзбек ёзувчиси "Open Eurasia -2017" халқаро танлови ғолибларидан бири бўлди



Ғолиблар олтинчи бора ўтказилаётган «Open Eurasian Literature Festival & Book Forum»  фестивалининг тантанали очилиш маросимида эълон қилинди. Очилиш маросим 17 ноябр куни Стокголм шаҳри марказида бўлиб ўтди.

Таниқли ўзбек ёзувчиси Исажон Султоннинг «Ҳазрати Хизр изидан» асари «Кичик проза» («Open Eurasia-2017» Gran-pri мукофоти) йўналиши бўйича ғолибларидан бири деб топилди. Буҳақда фестивалнинг расмий интернет сайти хабар тарқатди.

«Open Eurasia-2017»  танловида бу йил дунёнинг 37 мамлакатидан 1100 дан зиёд ижодкор қатнашди. OEBF фестивалининг ҳамда «Open Eurasia» танловининг ташкилотчилари Лондондаги «Eurasian Creative Guild» нотижорат ташкилоти ҳамда «Hertfordshire Press» нашриёт уйи бўлиб, танлов мутасаддилари » Open Eurasia-2017″ бош мукофоти ўлароқ, «Кичик проза» йўналишидаги барча ғолибларнинг асарларини инглиз тилида нашр этишга қарор қилди.

Ижод.Уз сайти.


"Мувозанат" сайти маъмурияти ҳам истеъдодли ёзувчи Исажон Султонни бу юксак ғалаба билан чин юракдан муборакбод этади.


Исажон, бу ҳушхабарни  эшитиб, жуда хурсанд бўлдим.

Мен бундай конкурс борлигидан бехабар эканман.

Муборак бўлсин!

Ижодингизга Худо янада файз ва барака ато этсин.


Эсингиздами, бир пайтлар иккаламиз менинг чумоли ҳақида ёзган "Қоратаппак" номли асаримни муҳокама қилувдик.Сиз ўшанда: - Асар бош қаҳрамони Қоратаппак исмли чумоли ишқий мактубини дарахт пўстлоғига ёзса қандай бўларкин?-дея қимматли маслахатингиз билан менга ёрдамлашган эдингиз.У асарни Тўлқин Эшбек ҳам севиб ўқиб, уни учинчи синфлар учун мактаб дарслигига киритиш керак деганди.Ойдин опа(Ойдин Ҳожиева) эса "Қоратаппак"ни "Гулхан" журналида тўлиғича эълон қилганлар.Рассом Хуршид Зиёхонов у асарга акварельда ажойиб расм иллюстрациялар ишлагандилар.Буни қарангки, охир оқибат ўзим ҳам худди ўша Қоратаппак исмли чумоли каби чет элга кетиб қолдим.Ва ишонаманки, дўстларимиз дуоларини дариғ тутмасалар, худди ўша Қоратаппак каби Худо ҳохласа, бир куни яна Ватанимга қайтаман.

Яхши нийят яхшида.


Сизни яна бир бор муборакбод этиб, Холдор Вулқон.

 

 

23/11/2017.

Кундуз соат 11:55.

Канада.

 

 

 

Холдор Вулқон

Ўзбекистон Ёзувчилари уюшмасининг аъзоси

 


Фуқаролик ҳақида



Фуқаро деган сўз араби "Фақир" сўзидан олинган бўлиб, камбағал сўзининг кўплик маъносини англатади.Бугунги ўзбек давлатчилигида эса, бу сўз жамият аъзоси -граждан тушунчасини ташийди.


Хўш, бу сўз камбағаллик маъносини  англатса, нега донишманд ота -боболаримиз гражданликни фуқаро дея атадилар?


Ҳозир тушунтираман.


Маълумки фақирлик баъзи калтабин кимсалар назарида энг паст мартаба хисобланади.


Ҳудои Таоло назарида эса бунинг акси, яъни фақирлик бандаси учун энг олий мартабадир.


Аслида бойлиги банкларга сиғмайдиган бойлар ҳам, подшолару ҳукмдору ҳукамолар ҳам бир тийин пули йўқ, кийимсиз, қип ялонғоч ҳолда туғилганлар.


Лекин улар ўша чақалоқлик пайтларида ҳамма ҳавас қиладиган даражада фаришталар каби бегунох, маъсум ва пок эдилар.


Фақир эдилар, яъни Худога яқин эдилар.


Буни қарангки онадан пок туғилган инсон умр бўйи бойликка меҳр қўйиб, молу матохга, ҳойи хашамга интилиб, кибру ҳавога берилиб, фақирликдан, яъни мангу фуқароликдан ўз ҳохиши ила воз кечар экан.


Янада фожеалироғи, у охир оқибат, бойлиги банкларга сиғмайдиган бой бўладими, қудрати қавий ҳукмдор бўладими, умр бўйи минг меҳнат машаққатлар билан югириб елиб, тиришиб тирмашиб топган бойликларидан, тамоми молу матохидан айрилиб, яна фақир ҳолатда оламдан ўтар экан.


Ҳатто герметик тилла тобутга ётқизиб, энг қимматбаҳо кийимларни кийдириб, дуои фотиха ёки оркестр садолари остида кўмишса ҳам, одамзод нафақат кийим кечаги, ҳатто терисию этидан айрилиб, қурту қумурсқаларга ем бўлиб, қоқсуяк устихонга айланади.


Бехисоб бойликларию Шветцария Альпидаги олий қасрлари унга вафо қилмайди.


Аммо мен шундай бойларни биламанки, улар гарчанд битмас туганмас бойликлар, файзу барокотлар эгаси бўлсаларда, ўзларини дунёдаги энг камбағал, фақир одамдай хоксор тутадилар, мағрурланмайдилар, мақтанмайдилар, талтаймайдилар.


Шундай президентларни биламанки, улар ўз қўл остидагиларга, камхарж, камбағал одамларга қумурсқага қарагандай қарамайдилар, раийятга, яъни халққа зулму зуғум  қилмайдилар.


Аксинча донишмандларга ҳос камтарлик билан ўзларини оддий одамлар қаторида кўрадилар, ўзларини амалу мансаб мартаба васвасасидан шишиб кетган такаббур, маккор, айёр ва разил кимса эмас, балки халқнинг оддий хизматкори, чокари, батраги дея хисоблайдилар.


Инсон болалари шундай йўл тутиб ҳаёт кечирсаларгина ҳақиқий фуқаролик мартабасига эришадилар, Ҳақнинг, яъни Худонинг розилиги орқали муваққат эмас, мангу жамият фуқаролигини қўлга киритадилар.


Инсониятнинг мангу Ватани -поёни, чеки -чегараси йўқ, вақт ва ўлим нималигини билмайдиган Беҳишт, Жаннат фуқаролигидан ўчирилмайдилар.


Банда дунёнинг малъун, яъни лаънатланган харом молу матохидан юз ўгириб, нафсини тийиб, ФАҚИР бўлмагунича ФУҚАРО бўлолмайди.


Биз банда, банда деймиз.


Банда деган сўзнинг асл маъноси нима?


Бандалар Худо тамонидан вақтинча, аммо умрбод жазога махкум этилган, банди этилган, умр бўйи нима биландир банд, аммо доимо нимагадир мухтож бандилардир, бечора фақирлардир, муваққат жамиятларнинг вақтинчалик пропискада турган фуқароларидир.


Бу дунёда шохнинг ҳам гадонинг ҳам кимгадир ва нимагадир эхтиёжи бор.


Ҳамма меҳрга, шафқатга, бир садоқатли дўстга мухтож.


Мухтож одам эса фақирдир.


Нафси аммора етовида туну кун еб, ичиб, поррррррр пор кекириб, бўкиб шароб ичиб, шиша ғарибига айланган, ёки дейлик, ялқовлиги сабаб доимий яшаш жойисиз қолган уйсиз кимса эмас, аксинча нафсини тийиб, харом молу дунёдан юз ўгира олган инсонгина ҳақиқий Худо суйган Фақирдир.


Шу маънода ҳақиқий фақирликка эришиш бой бўлишдан кўра минг чандон қийин.


Мана нима учун бизнинг донишманд ота -боболаримиз жамият аъзолигини, гражданствани ФУҚАРО деб атабдилар.



22/11/2017.
Кундуз соат 10:15.
Канада, Онтерио.


x_15d42282 (604x453, 162Kb)

 

 
ZznjoQ14996281959499_b (680x453, 92Kb)

Табрик

 

Ўзбекистон ташқи ишлар вазири Абдулазиз Комилов "Фидокорона жизматлари учун" ордени билан мукофотланди.

Биз ҳам Абдулазиз Комиловни халқимиз  ҳурматига лойиқ раҳбар деб хисоблаймиз ва у инсонни сайтимиз ўқувчилари номидан юксак мукофот билан муборакбод этамиз.


Ҳурмат билан, Холдор Вулқон.

 


 

 

Холдор Вулқон

Ўзбекистон Ёзувчилари уюшмасининг аъзоси

Билдириш


Веб сайтимиз ва веб саҳифаларимизнинг ҳурматли муҳлислари Холдор Вулқоннинг Ўзбекистон Республикаси Президенти Шавкат Мирзиёев фаолиятига баҳо бериб ёзган мақолалари ва у инсонга атаб ёзган шеърий асари қаёққа ғойиб бўлди? -дея ҳайрон бўлиб юрмасликлари учун қуйидаги билдиргини маълум қилмоқдаман.


Республикамиз Президенти Шавкат Мирзиёев фаолиятлари ҳақидаги самимий мақолаларим ва
у кишига бағишлаб рус тилида ёзган шеърим, бир кўрсатувда Президент Шавкат Мирзиёевнинг "Беш йилгача мени мақтамай туринглар" дея айтган гапларига асосланиб, веб сайт ва веб саҳифаларда шунчаки кўринмас қилиб сақлаб қўйилди ҳалос.


Барча муҳлислар ва Ватандошлар бир нарсани унутмасликларини истардимки, ҳар қандай ҳолатда ҳам Ўзбекистон Президенти Шавкат Мирзиёевга бўлган менинг юксак ҳурматим ҳеч қачон ўзгармайди.

Мен ҳамиша Шавкат Миромонович тамонидаман, у инсонни моддий ёки бошқа манфаатлар мақсадидамас, балки чин юракдан, самимий ҳурмат қилишда давом этаман ва у инсонга нисбатан ишончим сўнмаган ва сўнмайди.


Баъзилар:- нега қамалиб қолган журналистлар ва ёзган асари учун сўроққа тутилаётган айрим ижодкорлар ишига Президент Шавкат Мирзиёев аралашмаяптилар? -дея ёзмоқда.


Гўё Республика Президетининг бундан бошқа қиладиган иши йўқдай.Ахир у ёки бу жиноий ишда айбланаётган ижодкор ёки журналист ишини кўриб чиқиш Мамлакат Президенти ваколатига кирмайди.Бундай муаммолар устида ишлайдиган Прокуратура, хуқуқ -тартибот идоралари, ҳаммасиданда муҳимроқ Давлатнинг олий Раҳбаридан то
ртиб оддий фуқарогача бирдай амал қилиши керак бўлган Давлат Конституцияси, қонунлар бор.


Кимлардир Мамлакат Бош вазири жаноб Абдулла Ариповни Марказий телерадиокомпанияда бошланган демократик ислоҳатларга тўсқинлик қилишда айбламоқдалар.

Балки Бош вазир мамлакатда тартиб ва интизом бўлишини истаб шундай қилаётгандир?

Тартиб интизом яхши йўлга қўйилмаган юртда барака бўлмайди, яъни бўлгинчилик, бебошлик авж олган мамлакатга хорижий инвестрлар келмайди, ўз маблағларини ётқизмайди.

Ҳорижий инвестициясиз мамлакатда бизнесни ривожлантириб бўлмайди.Бизнес ривожланмаган мамлакатда эса иқтисодиёт юксалмайди.


Сайт ва вебсаҳифалар мақола ва бошқа асарлар билан янгиланмаётгани менинг рус тилида ёзилган, сиёсатдан йироқ, севги ҳақидаги туйғуларга бой романим устида ишлаётганим билан боғлиқ.



02/11/2017.

Тонги соат 6:36 дақиқа ўтди.

Канада, Онтерио.

 

 

 

Холдор Вулқон

Ўзбекистон Ёзувчилари уюшмасининг аъзоси

Ўрта Осиёда экология ва сув муаммоларини ҳал қилишга оид фойдали таклиф ва мулоҳазалар



Олдиндан айтиб қўяй.Мен ушбу мақолам билан ўзимни бошқалардан ақлли қилиб кўрсатмоқчи эмасман.


Аксинча, менга нон -туз, илм бериб, ўстириб вояга етказган халқимнинг оз бўлсада дардига дармон бўлмоқ, элимнинг тузини оқламоқ мақсадидагина қуйидаги мақолани ёзмоқдаман.


Маълумки, Марказий Осиёда экологик вазият яхшиланишидан шу минтақада яшайдиган барча мамлакатлар бирдай манфаатдор.Шундай экан,Каспий денгизидан Орол денгизига сув олиб келиш учун Панама каналига ўхшаган канални хашар йўли билан қазиш ишларида Ўрта Осиё мамлакатлари жон деб бош қўшадилар ва бу ҳайрли ишни амалга ошириш йўлида улар биргаликда ҳаракат қиладилар.


Туркманистон Республикасининг Президенти, Ҳукумати ва аҳолиси рухсат барса, қўшничилик рамзи бўлган бу савобли ишга рози бўлса, мазкур ДЎСТЛИК каналини Каспий денгизининг қардош Туркманистон худудига тегишли қисмидан қазиб келинса, биз таклиф қилаётган тарихий лойиха бир мунча арзонга тушади.Негаки бу масофа Қозоғистон худудига туташ Каспий денгизи соҳилларидан Орол денгизигача бўлган масофага қараганда яқинроқ.


Ўзбекистонга қўшни қардош мамлакатлар "Бизнинг сувга эхтиёжимиз йўқ.Каспий денгизидан Орол денгизига сув олиб келадиган канални сувга мухтож мамалакат ўзи қазисин" деб бу ҳайрли ишдан бош тортадиган мамлакат раҳбарлари эса, Орол денгизининг қуриши, экологик мухитнинг бузилиши ва шамолда учадиган туз ва қум тўзони Ўрта Осиё минтақасида жойлашган барча мамлакатлар учун бирдай хавф туғдиришини, бугунги лоқайдлик эртага ўнглаб бўлмас табиат катаклизмасига айланиб, дахшатли оқибатларга сабаб бўлиши мумкинлигини унитиб қўймасликлари керак.


Энди баъзилар: -Хўп, Каспий денгизидан Орол денгизига канал орқали сув олиб келинди ҳам дейлик.Лекин денгиз суви нафақат истеъмолга, балки дала экинларини суғоришга ҳам яроқсизку? -дейишлари мумкин.


Ҳа, тўғри.


Лекин канал орқали Каспий денгизидан олиб келинган денгиз суви махсус сув тозалаш иншоатларида фильтрдан, диатом тупроғи, (опреснитель дистилятор) қурилмасидан ўтказилиб, тузи чўктрилса ва Гидроксин кальций ёрдамида кислотаси сўндирилса, у микроблари ўлдирилган сув нафақат дала экинларини суғоришга, балки истеъмол учун ҳам яроқли сувга айланади.


Бундай иншоатлар ёрдамида денгиз сувини тоза ичимлик сувига айлантириш тажрибасини Америка, Канада ва Исроил мамлакатлари мисолида кўриш мумкин.


Исроил давлати аввал Галилей денгизидан канал орқали ўз худудига сув олиб келиб, уни фильтрлаб, хатто чўл минтақаларини ҳам экинзору боғ -роғларга айлантиргани бугун ҳеч кимга сир эмас.


Кейинчалик улар Ўрта Ер денгизидан сувни худди шу тариқа, канал орқали ўз мамлакати худудига олиб келиб, ҳозирда фильтрланган денгиз сувини тежаб, томчилаб суғориш йўли билан қақраб ётган ерларига ҳаёт бағишламоқдалар, қишлоқ хўжалигини юксалтириб, боғдорчилик ва аграр дехқон фермерчилигини юқори даражада ривожлантирмоқдалар.


Улар айнан шу йўл билан ўз мамлакатларидаги сув муаммосини бартараф қилишга эришдилар.


Биз юқорида ёзган Каспий денгизидан канал орқали орол денгизига сув олиб келиш йўлидаги қардош, қўшни мамлакатларнинг ўзаро ҳамжихатлиги аллақандай миллатчилик, ирқчиликка, пантуркизм ёки панисломизм каби радикал ғояларга мутлақо алоқаси йўқ.


Қўшни қардош мамлакатлар бир оила фарзандларидай аҳил иноқ яшашлари билан бирга Россия, Хитой,  Европа ва Ғарб мамлакатлари билан ҳам динидан ва ирқидан қатъий назар уйғунликда, (гармонияда) толерант, яъни бағри кенглик, ўзаро ҳурмат ва дўстликка қурилган умуминсоний ғоялар асосида яшамоқлари жоиз.


Энди Каспий денгизидан Орол денгизига сув олиб келишнинг Ўрта Осиё мамлакатлари учун асосий фойдаларини санаймиз.


1.Орол денгизи сувга тўлади, Ўрта Осиё минтақасида издан чиққан экологик мухит яхшиланади.


2.Канал қурилиши давомида Ўрта Осиё аҳолисининг катта қисми иш билан таъминланади.


3.Ўзбекистон, Қирғизистон, Тожикистон мамлакатларининг экспорт махсулотлари каналда қатнови йўлга қўйиладиган сузувчи транспортлар ёрдамида Европа бозорига олиб чиқилади.


4.Орол денгизида балиқчилик ривожланади, балиқларни консервалайдиган,балиқ увилдириқларини, яъни икраларни қадоқлайдиган заводлар эвазига денгиз бўйида яшайдиган Қозоғистоннинг оролбўйи аҳолиси ва Қорақалпоқистон Автоном Республикаси, Хоразм воҳаси, қардош Туркманистоннинг Хоразмга туташ Ўзбекистонга чегарадош минтақаларидаги аҳолиси иш билан таъминланади.


5.Каспий денгизидан келтирилгувчи сув ёрдамида қудратли электростанцияларнинг турбиналарини ишга тушириш ва ишлаб чиқариладиган арзон электр қуввати хисобига  Ўрта Осиё мамлакатлари аҳолисини тўла ва узуликсиз электроэнергия билан таъминлаш имконияти пайдо бўлади.


6. Бундан ташқари денгиз бўйларида миллий боғлар, қўриқхоналар, дам олиш масканлари, пляжлар,санатория - даволаниш масканлари, дельфинариялар, океанариумлар, яхтклублар барпо этилиса, минтақада туризм ҳам ривожланади.


7.Бу ўзаро ҳамжихатлик Ўрта Осиёдаги қардош мамлакатлар дўстлигини мустахкамлайди.

Ўрта Осиё минтақасини экологик носозликдан, иқтисодий инқироздан, ўзаро жанжалу урушлардан, вайронагарчиликлардан сақлайди.


Ўрта Осиё минтақасида жойлашган қардош ва қўшни мамлакатларнинг раҳбарлари, турли кўзга кўринмас, ўртабузар ғаюр кучларнинг фитна -провокацияларига учиб, деди деди гапларни кўпайтирмасликлари, ҳар бир сўзни ўйлаб гапириб, ақл билан иш юритмоқлари, ўзаро жанжаллашмасликлари, аксинча минтақада юзага келган ва келиши мумкин бўлган экологик, сиёсий -ижтимоий муаммоларни ҳамжихатлик билан ҳал қилиш санъатини ўзлаштирмоқлари керак.




19/10/2017.
Кундуз соат 12 дан 26 дақиқа ўтди.
Канада, Онтерио.

 

 

 
Еще статьи...