Поиск

132221451_gorod_Brempton (202x216, 31Kb)

Холдор Вулқон

Ўзбекистон Ёзувчилари уюшмасининг аъзоси

Рўза муборак!



Ёшликда рўза ойи келиши биланоқ қишлоғимиз болалари гала гала бўлиб шом қоронғусида рамозон айтиб юрардик.Тўртта бола пахта терадиган этакнинг тўрт учидан ушлаб олдинда юрар, қолганларимиз ортда, ҳеч кимдан уялмай кўчани бошимизга кўтариб, рамозон айтардик.

 

Рамозон ё рамозон эшигинга байрам озон!

Рамозон айтиб келдик эшигинга!

Худойим ўғил берсин бешигинга!

Рамозон айта айта хоридимо!

Соқолим чиқмай туриб қаридимо!



У вақтлар дорвозалар тамбаланмас, биз тўғри одамларнинг ховлисига кириб бориб, ёруғ шуъла ёғилиб турган пастак дераза ойналари, ё эшик олдида, то уй эгаси жонидан тўйиб уйидан чиқмагунча, нимадир бермагунча баралла бақириб, жўр бўлиб рамозон айтаверар эдик.


Шундай оқшомлардан бирида бир маҳалладошимиз бизни алдаб, қоронғуда этакка нимадир ташлади.


Бизга у нарса обиноввот қовундай туюлди.Шундан кейин биз ҳалиги кимсани дуо қилиб, кўчага чиқдик.Симёғочда порлаб турадиган кўча чироғи остига бориб, бундай қарасак, этакда қовун эмас, гувала ётган экан.


Гоҳ ғазабимиз қўзғаб аблах кимсани болахонадор қилиб сўксак, гоҳ гувалага қараганимизча ўзимизни тутолмай кулдик.


Шу маҳал кимдир гувалани шартта олиб, қилиғи совуқ кимсанинг уйига қарата қулочкашлаб  отиб юборди.


Гувала пахса девор оша ховлига учиб ўтаркан, кутилмаганда "дуп!" этган товуш ва  "их!" деган овоз эшитилди.


Гувалак нишонга, яъни зиқна одамнинг калласига бехато теккан эди.


Шу маҳал ўз гуваласи ўзига қайтиб келган аламзада кимса занжирда ётавериб озиб, туллаб кетган "Қораш" деган қопоғон итини қўйиб юборса бўладими.


Ура қочдик.


Аммо "Қораш" Шаҳоб деган дўстимизни қувлаб етиб, оёғини ғажиб қўйди.


Ўша кеч Шоҳобни елкамизда кўтариб, уйига элтиб қўйганмиз.


Саяқ юрган таяқ ейди деб жуда топиб айтган экан эски ота буваларимиз.

Рўза муборак, азиз Ватандошлар!




30/05/2017.

Тунги соат 10:57.

Канада, Онтерио.

0_c3d3f_4c0c2109_XL (700x462, 134Kb)

 

 

yLTTMVbRgH-NEKSj5vZsqX7Q9D5BYwb4 (640x478, 30Kb)

Инсон қадр -қиммати ҳақида


"Ўйлаб қоласан киши, дунёда шунақаям адолатсизлик бўладими?!

Инсон тирик пайтида уни кўкларга кўтариб, вафотидан кейин ер билан яксон этса, қадрини беобрў қилса, бу ўзи қандай давлат, қандай жамият бўлди?

Лекин, тарих гувоҳ, ҳаётда шундай адолатсизликлар ҳам бўлар экан.

Агар ҳар бир халқ, ҳар бир давлат мустақил бўлмаса, бошқалар унинг нафақат дехқонини, нафақат ишчисини, ҳаттоки шоиру олимини ҳам, давлат арбобини ҳам истаганича тахқирлаши, инсоний шаънини тупроққа қориши мумкин экан."

 

Шавкат Мирзиёев

Ўзбекистон Республикасининг Президенти




Манба: Ижод.Уз. сайти.

"Юртга садоқат билан хизмат қилган инсон халқ қалбида мангу яшайди" номли мақоладан.

 

 

 

 
khal_larimiz_d_stligining_yer_in_ifodasi_18_05_2017-400x320 (400x320, 56Kb)

 

Ўзбек ва Туркман халқлари дўстлиги тимсоли



2017 йилнинг 18 май куни Тошкент шаҳрида буюк туркман шоири ва мутафаккири Махтумқули номидаги кўча ва шоирга бағишланган меъморий ёдгорлик очилди.

Ушбу улкан воқеа муносабати билан  бўлиб ўтган тадбирда давлат ва жамоат арбоблари, таниқли шоир ва ёзувчилар,  адабиётшунослар, санъаткорлар, талабалар, ижодий ташкилотлар ҳамда Республика байналмилал маданият маркази вакилларидан иборат кенг жамоатчилик иштирок этди.

Тадбирни Ўзбекистон Ёзувчилар уюшмаси раиси, Ўзбекистон халқ ёзувчиси Муҳаммад Али кириш сўзи билан очди ва олиб борди.

Ўзбекистон Республикаси Маданият вазири М. Муратов, Туркманистон Республикасининг Ўзбекистондаги Муваққат ишлари вакили О. Хуммаев  ўзбек ва туркман халқлари ўртасидаги азалий дўстлик, аҳиллик, қалб ва маданият яқинлиги мамлакатларимиз ўртасидаги ҳамкорлик ривожига асос бўлаётгани, Маҳтумқулининг икки халқ дўстлигини мустаҳкамлашдаги хизматлари беқиёс экани ҳақида нутқ сўзлашди ва тантанали равишда меъморий ёдгорликни очишди.

20 Ўзбекистон Фанлар академияси Алишер Навоий номидаги Тил ва адабиёт институти илмий ходими, филология фанлари номзоди, доцент  Эргаш Очилов “Махтумқули Фироғий – ўзбек халқининг севимли шоири” мавзуида маъруза қилиб, Махтумқули асарларини ўзбек тилига таржима қилиш анъаналари,шоирнинг яқинда ўзбек тилида чоп этилган “Элингга бахш эт” китоби ҳақида гапирди.

Ўзбекистон Ёзувчилар уюшмаси раисининг биринчи ўринбосари, Ўзбекистон халқ шоири Сирожиддин Саййид ўзбек ва туркман халқларининг дўстлиги тараннум этилган “Ўзбек-туркман манзумаси” ўқиди. Тошкент шаҳридаги туркман маданият маркази раисининг ўринбосари Бибисора Раджапова Туркман маданият маркази фаолияти ҳақида гапириб, Махтумқули шеърини туркман тилида, Алишер Навоий номидаги Тошкент давлат Ўзбек тили ва адабиёти университети талабалари шоир шеърларини ўзбек тилида ўқидилар.

Ўзбекистон халқ ҳофизи  Ўктам Аҳмедов Махтумқулининг “Бўлмас” номли шеърига, Ўзбекистонда хизмат кўрсатган артист Зариф Азизов  “Ошиқ бўлмишам” номли мухаммасига басталанган ашулаларни ижро этдилар.





Маҳтумқули





АЙРИЛМА



Маст бўлиб юргунча мусофир юртда,
Униб-ўсган ўз юртингдан айрилма.
Мағрур каклик каби нафс деган дардда,
Домга тушиб, қанотингдан айрилма!


Таваккал эт – халққа сиринг бериб бор,
Сабрли бўл, бесабрлик ҳам бекор,
Ҳар қаерга борсанг, насибангдир ёр,
Бой бўлай деб, иззатингдан айрилма!


Номардлар ҳам ярамаслар, ночорлар,
Тузинг ичиб, ишинг бўлса қочарлар,
Сирингни фош этиб, айбинг очарлар,
Қадринг билган улфатингдан айрилма!


Гадоларнинг кўнгли шоҳликни тилар,
Нодон кўнгли ёлғон сўзни рост билар,
Беқадрлар душманинга дўст бўлар,
Таълим берган устодингдан айрилма!


Биров қашшоқ бўлиб, биров бой бўлар,
Ҳар кишининг бахти-иқболи кулар,
Бошга нима келса, тилингдан келар,
Маҳтумқули, халқ ёдидан айрилма!



ОШИҚ БЎЛМИШАМ



Эй ёронлар, бир юзи гул оя ошиқ бўлмишам,
Барчанинг мақсуди – гул раъноя ошиқ бўлмишам,
Булбулам боғ ичра – бир ғавғоя ошиқ бўлмишам,
Ўзи ғойиб, зулфлари ялдоя ошиқ бўлмишам,
Манзилим боғ ичрадир, саҳроя ошиқ бўлмишам.


Қай куни келтирди чарх мени фано тупроғина,
Куйди бағрим доимо Макка-Мадина доғина,
Булбул ўлдим, сайрадим, кирдим Эрамнинг боғина,
Мубтало бўлдим у кун ғам аҳлининг тузоғина,
Юз бало, кулфат-ла бир савдоя ошиқ бўлмишам.


Кўнглим ичра ёр ғамидир – манзилим саҳрода, ҳай,
Кийганим ғам-ғуссадир – айланмишам Фарҳода, ҳай,
Солди ишқинг, дилрабо, жону жигарим ўда, ҳай,
Водариғо, кечди умрим зоеъ – бердим бода, ҳай,
Оҳи кўп, афғони кўп бир кўя ошиқ бўлмишам.


Билмадим: не баҳру бардир, не муаззам тоғдир-ей,
Олди кўнглим, кетди ақлим, тан мудом носоғдир-ей,
Ўхшаши йўқдир унинг ҳеч – қумри, булбул, зоғдир-ей,
Сочининг ҳар тори юз минг эр учун тузоғдир-ей,
Қадди-қомати баланд, зебоя ошиқ бўлмишам.


Дўст ҳавои васлини мен мунча чандон истарам,
Доми зулфинг қасдина ўзимни зиндон истарам,
Дема ғамдин бир замон кўнглимни хандон истарам,
Бир ғариб ошиқ манам, ёр, сани сандан истарам,
Кечаю кундуз, билинг, ҳу-ҳоя ошиқ бўлмишам.


Истамас ёрим мени – ул ёра зорим йўқ менинг,
Қолмишам ҳайрон бўлиб, ўзга мадорим йўқ менинг,
Олди жоним ишқинг ўти – ихтиёрим йўқ менинг,
Келса – ақлимни олар, кетса қарорим йўқ менинг,
Ғамзаси – ўқ, қошлари ул ёя ошиқ бўлмишам.


Айтадир Махтумқули: мен унда кона учрадим,
Сайр этиб бордим фалакни – ломакона учрадим,
Мени расво айлаган ишқи ягона учрадим,
Етмиш икки шаҳр ила минг бир дўкона учрадим,
Шунча саргардон сафилу зоя ошиқ бўлмишам.



КЎЗИМ ТУШДИ



Шукур, алҳамдулиллоҳ,
Жонона кўзим тушди.
Майхонада май ичдим,
Мастона кўзим тушди.

Эй зулфу сочи анбар,
Меҳробки, юзинг минбар,
Эй лаъли лаби гавҳар,
Уммона кўзим тушди.

Эй кўзлари эҳроми,
Кел кўргали ёроми,
Э кўнглимнинг ороми,
Иймона кўзим тушди.

Эй жоду-жайрон кўзли,
Эй шаҳду шакар сўзли,
Эй шамсу қамар юзли,
Тобона кўзим тушди.

Орзуда кезар эллар,
Хизматга келар қуллар,
Тоза очилган гуллар,
Бўстона кўзим тушди.

Ҳар сочлари бир сунбул,
Гўёки манам булбул,
Эй жаннат аро бир гул,
Ризвона кўзим тушди.

Бу дардима сен дармон,
Кўйингда бўлдим нолон,
Маҳтумқули дер: эй жон,
Жонона кўзим тушди.

( Таржимон Эргаш Очилов.)

 

0_c3d3f_4c0c2109_XL (700x462, 134Kb)

 

 

Подробнее...

 
6a85a73bfb2287ce37d634bdc2bc77e1_750x300 (398x300, 32Kb)

Хуршид Дўстмуҳаммад

Ўзбекистон халқ ёзувчиси

 



Мен асарларини севиб ўқийдиган юксак дидли ёзувчилардан бири Ҳуршид Дўстмуҳаммаддир.

Хуршид аканинг лирик туйғуларга, жойсона онг оқимига, руҳий таҳлилларга бой, фалсафий теран асарларини ўқиб, анчагача ўша асарлар таъсиридан чиқолмай юрардим.


Ҳозир ҳам шундай.


Хуршид Дўстмуҳаммад нафақат истеъдоди Худо тамонидан ато этилган ёниқ ёзувчи, балки хасад, бахиллик ва разиллик деб аталадиган иллатлардан хазар қилгувчи, кўнглида кири йўқ, ростгўй, яхши инсон.

Адибнинг қуйида ҳукмингизга ҳавола этилаётган ҳикояси дарё ҳақида, аниқроғи, гоҳо сокин, гоҳ қирғоқларини қўпориб оқувчи талотумли ҳаёт дарёси ҳақида.

 

Холдор Вулқон

Қичқириқ

(ҳикоя)



Султон эсини танибдики, ҳар йили ёз кезлари уч ё тўрт бола-бақра, гоҳо кап-катта ёшдаги эркак Қичқириққа ғарқ бўлади. Кунлаб, ҳафталаб бутун маҳалла-кўй оёққа қалқийди, изиллаб-бизиллаб қидир ҳо қидир давом этади, ғарқ бўлгувчи ўша куни ё эртаси топилса топилди, топилмаса, орадан беш, етти… ўн кунлар ўтгач анҳорнинг кунботар томонларида ё беридан, ё наридан шишиб, дўмбира бўлиб кетган жасад сув бетига қалқиб чиқади… Тамоман дом-дараксиз кетганлари ҳам бўлган… Ана шундай пайтларда неча кунгача, “Қичқириқ қутирибди!”, “Қичқириқ қонсирабди!”, “Қичқириққа яқин йўламангле-ер!”га ўхшаш гап-сўзлар кексаю ёшнинг, эркагу аёлнинг оғзидан тушмайди. Бироқ асов ва бетизгин Қичқириқ оқимининг шафқатсизликлари ҳаётнинг оддий, осуда ва бир маромдаги оқими оғушида жуда тез унутилади, қолаверса, инсон феълининг ажаб қонуниятларидан бири шундаки, бир бора телба гирдоб комига тушмаган банда ўзининг ғарқ бўлиш эҳтимолидан ҳоли эмаслигини сира тасаввурига сиғдиролмайди.

 

 

0_c3d3f_4c0c2109_XL (700x462, 134Kb)

 

 

Подробнее...

 

132221451_gorod_Brempton (202x216, 31Kb)

Холдор Вулқон

Ўзбекистон Ёзувчилари уюшмасининг аъзоси



Ўзбекистон халқ ҳофизи Шерали Жўраев 70 ёшда!

 

images (300x168, 16Kb)



Биз, яни кўпмиллатли Ўзбекистон ҳалқи билиб билмай йўл қўйилган хато ва камчиликларимизни кечириб, ЎЗАРО КЕЧИРИБ ЯШАШ САНЪАТИНИ, маданиятини ўзлаштира олсак, юкни ҳар тамонга тортмай, ягона Мустақиллик байроғи остида сафлана олсак, бизни ҳеч қандай куч енга олмайди ва мамлакатимиз миллий хавфсизлигига, мустақиллигига ҳеч ким рахна сололмайди.


Хато ва камчилик эса ҳаммада бор.


Фақат Худо, фаришталар ва Яратганнинг пайғомини бандаларга етказган Элчиларгина бу иллатдан ҳолидирлар.


Шу маънода элимиз севиб, ардоқлаган, кейинги йилларда айрим сабабларга кўра сахналардан бироз четлашган Ўзбекистон халқ ҳофизи, Навоий номидаги давлат мукофотининг лауреати Шерали Жўраев ҳам фаришта эмас.


Яъни у ҳам бир банда сифатида айрим хато ва камчиликларга йўл қўйган бўлиши мумкин.


Мўътадил Ислом йўлини тутган ҳурматли уламоларимиз КЕЧИРИМЛИЛИК - Худо севган энг гўзал инсоний фазилатлардан дейдилар.


Шу ҳикматдан келиб чиқилса, бетакрор гўзал санъати билан халқимизни бирлаштирган, "Ўзбегим" қўшиғи билан қаттол қизил империя замонларида элимиз юрагини ифтихор туйғуларига тўлдириб, унга ўзлигини танитган қаҳрамон санъаткорнинг қадр -қимматини жойига қўйиш вақти етиб келди дея ўйлайман.


Агар Ватанимиз ва Халқимиз олдидаги буюк хизматларини хисобга олиб, Шерали Жўраевга Ўзбекистон қаҳрамони унвони берилса, ҳамда мамлакатимизнинг нуфузли сахналарига қайтарилса, Халқимизга ўзининг севикли санъаткори қайтариб берилса, мен ўзимга худди Ўзбекистон халқ шоири унвони тақдим этилгандай хурсанд бўлардим.



Сен агар буғдой бошоқ бўлсанг, сомонингман, Ватан,

То абад бошинг омон бўлсин, товонингман, Ватан.


Барча яхши, барча оқил, барча доно файласуф,
Қимтиниб бир чеккада юрган ёмонингман, Ватан!



Шер ака, 70 ёшли таваллуд айёмингиз муборак бўлсин!


Ҳурмат билан, Холдор Вулқон.

 

 

12/04/2017.

Кундуз соат 5 дан 41 дақиқа ўтди.

Канада, Онтерио.

 

 

 
Еще статьи...