Поиск

 

Истеъдодли шоир Жонтемир шеърлари ҳақида

 

Биз ижод аҳли мақтовни яхши кўрамиз.Бизнинг ижодимиз ҳақида яхши мақолалар, илмий тадқиқодлар, рисолалар ёзилишини истаймизу, ўзимиз биронта ижодкор кўнглини кўтарадиган икки оғиз яхши сўз айтишга оғринамиз.Бугун мен  адабиётимиз уфқларидан қуёшдай балқиб чиқаётган, ёш, истеъдоди Худо тамонидан ато этилган юксак дидли шоир Жонтемир ижоди ҳақида ўз таасуротларимни ёзмоқчиман.(Унинг шеърларини сайтимиз почтасига йўллаган муҳлисга катта раҳмат)

Жонтемир(Тоштемиров) ўзининг дардли шеърларида ойдин туйғуларини санъат даражасида ифодалай оладиган ҳақиқий маънодаги шоир эканлигига чин юракдан ишонч ҳосил қилдим.Қашқадарёмиздан яна бир буюк шоир чиқибди.У ҳозир шундай санъат асарларини ёзса, келажакда унинг инсониятни ҳайратга соладиган асарлар ёзишига бемалол умид боғлашимиз мумкин.Қуруқ бақир чақир, йиғи сиғи, хақорат, ўпкасини чўпга илган, ўз бошига ўзи кул, тупроқ сочган қоғозқаҳрамонлик, оддий сўзлар йиғиндиси бу ерда йўқ.

Аксинча, унинг шеърларида янги гаплар бор.Бир қиш нарида эмиш.Ўлчов бирлигини қаранг.Яна мазмунга путур етказмай қофия табиийлигини, дардли ташбеҳни сақлаб қололганичи.Бир сўз билан айтганда, қойил!Унинг қишлоқ ҳақидаги ёзган шеърида  соғинч ҳам, киноя ҳам, юмор ҳам қоришиб кетганки, ўқиётган одам зерикмайди, эснамайди.

 

Ҳаво дим…

Терак соясида мизғир саратон.

Шапалоғин еб чиққан саводим

Тоға, ётгандирсиз ҳур-ҳур сўрида…

Майли, вақтим зиқ (шаҳарликман-ку),


Мен бир боди. Сизнинг эса

Сувга келган жўягингиз.

Ҳурмат билан:

Хат ёзувчи сизга ҳали кў-ўп,

Шеъриятга кириб,

Одамгарликдан чиқиб бораётган жиянингиз!

 


Илохо, Жонтемирнинг ижодига кўз тегмасин.


Ҳурмат билан, Холдор Вулқон.

Ўзбекистон Ёзувчилар уюшмасининг аъзоси.

18 январь, 2016 йил.Канада.

 

 

 

Подробнее...

 


95hrsl13865681325713_b (640x366, 44Kb)

 

Таъзия

 

Меҳрибон оналарининг оламдан ўтгани муносабати билан Ўзбекистон Бош вазири Шавкат Мирзиёевга ва у кишининг яқинларига чуқур таъзия билдирамиз.

Онахоннинг жойлари Жаннатдан бўлсин.


Холдор Вулқон.

 

 

 

 

Холдор Вулқон

Ўзбекистон Ёзувчилар уюшмасининг аъзоси


 

Дарчам ёнидан ўтди учиб ёввойи ғозлар


(Ушбу шеърий китобимни меҳрибон онам Муҳтарамхон Мирзажалол қизи ва менинг иккинчи онам Эъзозхон Кенжаеваларнинг порлоқ ҳотираларига бағишлайман.)Х.В.


 

Қорли далалар

 


Хазонрез шамоллар эсди гувиллаб,
Қушлар учиб кетди гала ва гала.
Кимсасиз ховлидай қолди хувиллаб,
Қор қоплаган яйдоқ кимсасиз дала.

Белигача қорга ботиб, беомон,
Қуриган қамишлар бормоқда қайга?
Балки улар борар соҳилга тамон,
Айлангани шамол шаштида найга?




2017 йил, 16 ноябрь.
Кундуз соат 10 дан 48 дақиқа ўтди.
Канада, Онтерио.


 

Тасодифий учрашув



Шамол, сени танидим, ишон,
Бу сен, ўша далада эсган.
Ғир -ғир эсиб, ул оташфишон,
Жазирама тафтини кесган.

Ҳамқишлоқлар омонми, шамол,
Соғиндими эл мени ростдан?
Ёмон кўрма, олмагин малол,
Сенга дардим айласам достон.

Шалдирарми дарё кечуви,
Биз қўй, сигир ҳайдаб ўтган жой?
Ялтирарми дарёнинг суви,
Қўрғонласа сукунатда ой?

Чўчқахона ҳалиям борми?
Шовулларми тераклар ҳамон?
Ёлғизоёқ сўқмоқ элтарми,
Одамларни соҳилга тамон?

Балки булутларнинг тубида,
Ой сийнаси қолар очилиб.
Шаффоф шолипоя сувида,
Минг -минг юлдуз ётар сочилиб...

Кечир, йўлдан қўйдим наҳорда,
Гигант эдим, уйга сиғмадим.
Уммон орти, улкан шаҳарда,
Шамол, сени таниб, йиғладим.



25 апрел, 2014 йил.
Кундуз соат 5 дан 0 дақиқа ўтди.
Канада.


Нийят



Зулматда чирилдоқ чириллаган он,
Тўлин ой порласа пайкалга қараб.
Яғир дўппинг кийиб, елкангда кетмон,
Далаларда юрсанг ёлғиз, сув тараб.


Сокин увотларда бўзрайса фонар,
Оқшом юлдузларни бирма бир ёқса.
Оғзини ланг очиб ойдин далалар,
Ойнинг қўрғонига ағрайиб боқса.


Сувлар жилдираса, пушталар тўлиб,
Кўршапалак учса шодон, овозсиз.
Ўлтирсанг порлаган ойга термулиб.
Оддий сувчи бўлсанг, бўлсанг саводсиз.


Шийпон тамондаги сўрида ётсанг,
Ғир – ғир эсаверса тунги шабада.
Уйғонсанг тўрғайлар чулдираётган,
Ўз она юртингда, тонги далада.



7-август, 2010 йил.
Тунги соат 1 дан 56 дақиқа ўтди.
Торонто шаҳри, Канада.


Куз ёмғири



Ўйланасан кузги кечада,
Чеки борми дея фироқнинг.
Эси оғар бўм -бўш кўчада,
Маюс ўйга ботган чироқнинг.

Тўлар сирли шивирга ҳаво,
Руҳинг каби мусаффо, тоза.
Наҳот севги айлади қазо,
Ёмғир кимга очмоқда аза?..

Осмонларга элагин тутар,
Фонус ғамгин нурин элаклаб.
Бўм -бўш шаҳар уйқуга кетар,
Куз ёмғири қуяр челаклаб.


27 май, 2014 йил.
Тунги соат 10 дан 49 дақиқа ўтди.
Канада.


Кузги қайин


Хазонларни учирмоққа шай,
Кузнинг ўйчан, латиф шамоли.
Автоулов чумолихўрдай,
Ишга шошган авом -чумоли.

Чирпирайди етим япроқлар,
Куз келтирди баргларга қирон.
Хазон эмас, тилла титроқлар,
Қўрқитади уларни бўрон.

Ўйламайди бу ҳақда қайин,
Кокилларин ёйиб насимга.
Йўл бўйида шовуллаб майин,
Қайта -қайта тушар расмга.


27 октябр,2014 йил.
Эрта билан соат 9 дан 1 дақиқа ўтди.
Бремптон шаҳри, Канада.


Қорли кеча ва ёруғ нийят



Қоронғу зулматда қўнади сокин,
Қорларнинг учқуни елкамга юзлаб.
Наҳот -дейман - совуқ булутлар ҳоким,
Осмондан юлдузлар тушмоқда музлаб?


Бўронларда маҳзун мусиқа бордай,
Боғлар қор қўйнида ётгандай ухлаб.
Севаман - десайдинг, шивирлаб қордай,
Совқотган қўлларинг иситсам кухлаб.


Соямиз туташса, учқунлар тинмай,
Тўзғиса, чирпираб тушса эланиб.
Узоқ суҳбатлашсак, кетгимиз келмай,
Фонус ёруғида қорга беланиб.



20 октябр, 2014 йил.
Кеч соат 5 дан 39 дақиқа ўтди.
Канада.


Ватан хаёли



Пахтазорлар ортида қуёш,
Ловуллайди уфқлар этаги.
Туман чўкар далага ювош,
Осмон тўла юлдуз кепаги.

Кимсасизлик, сукунат ҳоким,
Йўлда ким ҳам юрарди санқиб.
Дов -дарахтлар ортидан сокин,
Паришон ой чиққанда балқиб.

Бирин кетин чироғин ёқар,
Шуълаафшон дарчали уйлар.
Дарёда сув ялтираб оқар,
Ёлғиз, етим чирилдоқ куйлар.

Бўйнин чўзиб марайди бузоқ,
Пода хайдаб ўтади кимдир.
Қуриллайди бақалар узоқ,
Сомон йўли, юлдузлар жимдир.

Гоҳо итлар қўяди хуриб,
Ой термулар чавра, четанга.
Ёлғизоёқ сўқмоқдан юриб,
Қайтган маҳал шоир Ватанга.



14/06/2016.
Кеч соат 6:33.
Канада.


Ғозлар галасининг бўм -бўш челаги



Ёғар куз ёмғири майдалаб, эзиб,
Ёмғирда ювилган ойнадай туйғу.
Ҳиёбонда ёлғиз юрарман кезиб,
Кўлмаклар кўзида исмсиз қайғу.

Сув юзида ғамгин кумуш халқалар,
Шивирлар қамишли соҳиллар лаби.
Бир юпун мажнунтол ёлғиз чайқалар,
Унсиз йиғлаётган паризод каби.

Охир тамом бўлди ёмғир кўз ёши,
Табиат йиғидан тўхтади, тинди.
Ёмғирда ювилган соҳиллар тоши,
Борлиққа мусаффо ҳаловат инди.

Тортинчоқ ялонғоч боғлар бир ёнда,
Ойнадек ялтирар боғлар йўлаги.
Ғийт - ғийт этар кузги ғамгин осмонда,
Ғозлар галасининг бўм - бўш челаги.



9 июль, 2011 йил.
Тунги соат 2 дан 36 дақиқа ўтди.
Торонто шаҳри, Канада.


Кузги ойналарнинг унсиз кўз ёши



Ёмғирларда ялтирайди тош,
Қарар ўйчан табиат ромдан.
Ёғаётган ёмғирмас, кўз ёш,
Кўзларингдан дувиллаб томган.

Сен кетасан соябон қўлда,
Олислайсан мисоли рўё.
Дарахт акси, кўлмакли йўлда,
Чўккан каби кўзгуга гўё.

Сенсиз энди юрак қийналар,
Эриб борар изларингда қум.
Сен кетасан, ғамгин ойналар,
Одам каби йиғлайди юм - юм.



31 июл, 2011 йил.
Кундуз соат 1 дан 29 минут ўтди.
Торонто шаҳри, Канада.



Хазонларга кўмилди йўллар



Ловуллаб ёнганча кузги гулханда,
Гувиллар хаёли паришон боғлар.
Ўйчан куз лабида қахрабо ханда,
Телба гирватларга термулган чоғлар.

Боди изғиринда ялонғоч, юпун,
Яланг новдалари қолса ҳам қақшаб,
Оппоқ чойшаб ичра ухламоқ учун,
Боғлар ечинаркан аёлга ўхшаб.

Дарёнинг лабида қамишлар найи,
Хазонга кўмилар йўлаклар, томлар,
Кўча фонусига тираб манглайин,
Йиғласа мўридай қорайган шомлар.

Олис ўлкалардан келгандай қайтиб,
Дарчангдан тўлин ой мўралаган пайт,
Адашган йўловчи сингари дайдиб,
Гоҳо тушларинга кираманми, айт?



13 август, 2011 йил.
Кундуз соат 3 дан 23 минут ўтди.
Торонто шаҳри, Канада.

 

Тоғам Ҳурмуҳаммад Кенжаев ҳотирасига



Ҳурмуҳаммад тоғам шеъриятни теран англайдиган, олийгохни тамомлаган зиёлий инсон бўлганлари учун менинг шеърларимни таҳлил қилиб, бошқаларга тушунтириб юрар эди.Айниқса: бир шеъримдаги "Осмон о симон.Худди йўқлик рамзи 0 рақамидай" деган ташбеҳдан узоқ ҳайрат ва ҳаяжон туйиб юрдилар.
Афсус шундай ажойиб инсон, севимли тоғам оламдан ўтиб кетдилар.Илоҳим, жойлари Жаннатдан бўлсин.
Анчадан бери у инсоннинг муборак ҳотирасига нимадир ёзмоқчи бўлиб юрардим.Бугун мавриди экан.Кечаси ярим тунда уйғониб кетиб, тоғамнинг ҳотирасига бир шеър ёздим.
Қуйида шу шеърни ўқийсиз.



22/10/2017.
Тунги соат 2:24.



Ойдин сукунат

(Тоғам Ҳурмуҳаммад Кенжаевнинг порлоқ ҳотирасига)



Тоға, Чувамада ҳозир ҳойнаҳой,
Оқшом тушиб, қуёш ботгандир.
Оппоқ чинни товоқ каби ой,
Тентаксойда чўкиб ётгандир?

Тошқин бузган кўприк ходаси,
Тахталари ётгандир кўчиб?
Сув кечарди сигир подаси,
У кўприкдан ўтгани чўчиб.

Қуриллайди балки бақалар,
Қирғоқларда қамишлар оҳи.
Дайди тулки сувлар ёқалаб,
Қулоқ тутар жимликка гоҳи.

Сўқмоқ уни соҳилга бошлар,
Ғир ғир эсар тунги шабада.
Кўринар сув остида тошлар,
Боғбон эса ухлар капада.

Юлдузларни жимлик хоритар,
Олис осмон -овоз етмас жой.
Қабрингизни ғамгин ёритар,
Жим -жит, сокин сукунатда ой.



22/10/2017.
Тунги соат 1 дан 21 дақиқа ўтди.
Канада, Онтерио.

x_15d42282 (604x453, 162Kb)

 

Подробнее...

 

 

Истеъдодли шоира Хуршида(Хуршида Қўчқорова)Ўзбекистон Ёзувчилар уюшмаси Андижон вилояти бўлимига раҳбарлик қилади.

У Нодира, Жаҳонотин Увайсий, Зебуннисоларнинг анъаналарини изчил давом этдириб, аруз вазнида ҳам ғазаллар ёзиб туради.

Бугун шоиранинг ғазалига боғланган бир муҳаммасни эътиборингизга ҳавола қиламиз.


Қолмади


(Хуршида ғазалига Холдор Вулқон муҳаммаси)


 


Сен кетиб, дил бўзлади, соз қолмади,

Кетди йиғлаб турналар, ғоз қолмади.

Ҳам хазонлардин поёндоз қолмади,

Изларинг излаб, баҳор, ёз қолмади,

Чоргузар, Майдону Гумбаз қолмади.

 


Кезганим саҳроми ё денгизми деб,

Кипригингни лашкари Чингизми деб,

Сочларинг тун, гул юзинг кундузми деб,

Кўк бағир очди у ой, юлдузми, деб,

Кўнглима кўз солмаган кас қолмади.

 


Гоҳи хасрат айласам изҳор, узр,

Маст -аластдирман, кўзи хуммор, узр,

Бўйнима тақди ҳажр зуннор, узр,

Аҳду паймон элидан минг бор узр,

Ўртада бир ҳурмату лафз қолмади.

 


Куз шамоли титратар хижрон шамин,

Бер хабар сезсанг хазон, ёр мақдамин,

Тешди оҳим етти осмон қатламин,

Дилга ташбеҳ ахтариб сарсон замин,

Харсангу тош, хор, хазон, хас қолмади.

 


Халқа бўлса қўлларим ёр белида,

Шам каби ёнсам дедим махфелида,

Шуълаи шам ўчди кўз ёш селида,

Бўйларим эрди само қадр элида,

Воҳ, қара: ердан-да ул паст, қолмади.

 


Кузги гуллар қози дил орзусига,

Ойна кўллар ғози дил орзусига,

Қиш баҳор куз ёзи дил орзусига

Ҳақ гувоҳ, халқ рози дил орзусига,

Сандин ўзга норизо рост, қолмади.

 


Бунда ошиқ аҳли ағёр тўпламиш,

Боқмайин деб ўзгага кўз чўпламиш,

Ташнаком, саҳрода оғу хўпламиш,

Бошни бунда қор, қировлар қопламиш,

Вақт ҳакамдир, фурсатим оз, қолмади.

 


Тонгда уйғонмай туриб, эй ёр, ўтинч,

Бўса эхсон айлағил бир бор, ўтинч,

Зулфи анбар, бўйи гул аттор ўтинч,

Тонгла Маҳшар, бас санга минг зор, ўтинч,

Дилда қолди қасд-у, дилроз қолмади.

 

 

 

 

11/03/2015.

Тунги соат 10:21 дақиқа ўтди.

Бремптон шаҳри, Канада.

 

Ғазал Ўзбекистон Ёзувчилар уюшмасининг "Ижод.Уз" сайтидан олинди.

 

 


Тохир Маликнинг "Шайтанат" романи ҳақида



Ўзим Маслахат қишлоғида туғилган эсамда, деярли шаҳарда катта бўлганман.Шунинг учун Андижон шаҳрида дўстларим кўп.Бир Равшан деган дўстим бор.Ўшани йўқлаб уйига борсам, онаси чиқиб: - Э, Холдарбек, дўстингиз апараса бўпқолди.Клиникада ётибди -дедилар йиғлаб.


-Ие, нима бўлди? -дедим мен ҳангу манг бўлиб.


-Ангинасини олдирди.Болам бечоранинг рангида раҳмат йўқ, ишқилиб бахтимга тузалиб қолсинда -дедилар хола ҳамон изиллаб йиғлаб.


-Э, вахима қилманг, хола.Ангина эканку.Худо ҳохласа тузалиб кетади -дедим мен холанинг кўнглини кўтариб.Кейин бозордан егулик майда чуйда, мева чева олиб, дўстимни кўргани клиникага бордим.Палатага кирсам, ростдан ҳам Равшан ранги бир аҳвол бўлиб ётибди.У мени кўриб қувониб кетди, жилмайди.

-Бормисан, дўстим? -деди у.

-Ҳалиям ўлмадингми?  -дедим мен, Равшан билан кўришарканман.

Равшан кулди.

Кейин мендан ҳол аҳвол сўраб, гапира бошлади.

- Э, ишонооовр, битта коса қонга тўлиб қолди.Қон фантан бўлиб отилдида ўзиям.Духтирди танибўмейди, апти башараси қон бўпкетган, ужас -деди у жаррохлик амалиётини эслаб.


-"Ёмонга ўлим йўқ" деган мақолга мен бугун яна бир бор ишондим -дедим ҳазиллашиб.Кейин янгисидан бор дея, латифа айта бошладим.


-Бир одам дўсти ангинасини олдириб, бандачилик қилганидан хабар топиб, тохорат қилиб, дўпписини кийиб, патаха ўқиб келейин эмаса деб шартта отга миниб, шаҳарга қараб чопибди.

"Петербурғ!Петербурғ!Петербурғ!Петербурғ!" дея чопиб, мусибатхонага етиб борибдида, отини боғлаб, ичкарига кирибди.Тумонот одам қўл қовуштириб туришган экан.


-Ассалому алейкум, яхшимисизлар?Хонадонлар тинчми? Кайфиятлар яхшими?Бандачилик.Ошнамиз ҳам кетворибдиларда, ҳайр маъзурни нася қилиб.Э, саломат бўсинлар, саломат бўсинлар -дебди у. Сўнг кўрпача тўшалган истолга ўтириб, янги беқасам чопон кийган, қимматбаҳо норка телпакли қоракага қараб: -Қорака, ўқисинлар -дебди қайғули имо билан бош ирғаб.Қараса, қорака дуо ўқиш ўрнига елкаларини силкитиб, овозсиз кулаётган эмиш.


-Ие -дебди у ҳайрон бўлиб.Қараса бошқалар ҳам ўзларини тутолмай, тўхтамай кулаётган эмишлар.Майиттининг яқин қариндошларию фарзандлари ҳам.


-Булар жинни пинни бўлиб қолишганми.Ахир, мусибатхонада ҳам куладими одам -ўйлабди у бадтар ҳайрон бўлиб.


Шу маҳал бир одам унинг ёнига келибдида, қулоғига: -Ака, курткангизни тескари кийиб олибсиз - дебди.


Акамиз шошилишда курткасини тескари кийволиб кетаверганаканлар -дедим мен.Равшаннинг кулавериб кўзларидан ёш чиқиб кетди. У узоқ кулар экан: -Э, иплос, мени кулдирма.Ангинам чокидан сўкилиб кетмасин тағин -деди.Мен хўп деб, латифанинг давомини айтмай қўя қолдим.Лекин давоми жуда қизиқ эди.Шу маҳал Равшаннинг ёстиғи остидан чиқиб турган китобга кўзим тушди.


-Қанақа китоб ўқияпсан? -дедим мен.


-А, буми?Тохир Маликнинг "Шайтанат" романи -деди Равшан.


Романни қўлимга олсам, бечора китоб, қўлма қўл ўқилавериб, муқовалари титилиб, дабдаласи чиқиб кетибди.Тўғриси, ўшанда устоз ёзувчи Тохир Маликка ҳавасим келган.Қани эди, элимиз биз ёзган китобларни ҳам шу романдай севиб ўқиса деган фикр келган мийямга.Ҳавас қилган етади -дея тўғри айтишган экан.Мана, Худога шукр, бизнинг асарларимизни ҳам юз минглаб юксак дидли ўқувчилар аудиторияси катта қизиқиш билан ўқимоқда.Қуйида устозимиз, Ўзбекистон халқ ёзувчиси Тохир Маликнинг ажойиб хикоясини ҳукмингизга ҳавола қиламиз.

 

Холдор Вулқон

Бадиий адабиёт бўйича халқаро "Наследие" мукофотининг номзоди




Тоҳир Малик
Қасос

(хикоя)



Дугонаси хушхабар айтиб, суюнчи сўради. Латифа буни эшитиб, қувониши лозим эди. Чунки, шу ҳол юз беришини истаб, Худога неча бор муножот этди. Аллоҳга илтижоларим етиб борармикин, ниятимга етмай ўлиб кетмасмикинман, деб қўрқиб юрган кезлари ҳам бўлди. Ниҳоят... оҳлари Яратганга етиб борибди. Шу ҳол юз берса армоним қолмайди, қувончларим дунёга сиғмай кетади, деб ўйларди.



Манба: BiznesTrener.Uz тадбиркор ва ишбилармонлар портали.


Подробнее...

 
Еще статьи...