Поиск

Холдор Вулқон

Ўзбекистон Ёзувчилари уюшмасининг аъзоси

Билдириш


Веб сайтимиз ва веб саҳифаларимизнинг ҳурматли муҳлислари Холдор Вулқоннинг Ўзбекистон Республикаси Президенти Шавкат Мирзиёев фаолиятига баҳо бериб ёзган мақолалари ва у инсонга атаб ёзган шеърий асари қаёққа ғойиб бўлди? -дея ҳайрон бўлиб юрмасликлари учун қуйидаги билдиргини маълум қилмоқдаман.


Республикамиз Президенти Шавкат Мирзиёев фаолиятлари ҳақидаги самимий мақолаларим ва
у кишига бағишлаб рус тилида ёзган шеърим, бир кўрсатувда Президент Шавкат Мирзиёевнинг "Беш йилгача мени мақтамай туринглар" дея айтган гапларига асосланиб, веб сайт ва веб саҳифаларда шунчаки кўринмас қилиб сақлаб қўйилди ҳалос.


Барча муҳлислар ва Ватандошлар бир нарсани унутмасликларини истардимки, ҳар қандай ҳолатда ҳам Ўзбекистон Президенти Шавкат Мирзиёевга бўлган менинг юксак ҳурматим ҳеч қачон ўзгармайди.

Мен ҳамиша Шавкат Миромонович тамонидаман, у инсонни моддий ёки бошқа манфаатлар мақсадидамас, балки чин юракдан, самимий ҳурмат қилишда давом этаман ва у инсонга нисбатан ишончим сўнмаган ва сўнмайди.


Баъзилар:- нега қамалиб қолган журналистлар ва ёзган асари учун сўроққа тутилаётган айрим ижодкорлар ишига Президент Шавкат Мирзиёев аралашмаяптилар? -дея ёзмоқда.


Гўё Республика Президетининг бундан бошқа қиладиган иши йўқдай.Ахир у ёки бу жиноий ишда айбланаётган ижодкор ёки журналист ишини кўриб чиқиш Мамлакат Президенти ваколатига кирмайди.Бундай муаммолар устида ишлайдиган Прокуратура, хуқуқ -тартибот идоралари, ҳаммасиданда муҳимроқ Давлатнинг олий Раҳбаридан то
ртиб оддий фуқарогача бирдай амал қилиши керак бўлган Давлат Конституцияси, қонунлар бор.


Кимлардир Мамлакат Бош вазири жаноб Абдулла Ариповни Марказий телерадиокомпанияда бошланган демократик ислоҳатларга тўсқинлик қилишда айбламоқдалар.

Балки Бош вазир мамлакатда тартиб ва интизом бўлишини истаб шундай қилаётгандир?

Тартиб интизом яхши йўлга қўйилмаган юртда барака бўлмайди, яъни бўлгинчилик, бебошлик авж олган мамлакатга хорижий инвестрлар келмайди, ўз маблағларини ётқизмайди.

Ҳорижий инвестициясиз мамлакатда бизнесни ривожлантириб бўлмайди.Бизнес ривожланмаган мамлакатда эса иқтисодиёт юксалмайди.


Сайт ва вебсаҳифалар мақола ва бошқа асарлар билан янгиланмаётгани менинг рус тилида ёзилган, сиёсатдан йироқ, севги ҳақидаги туйғуларга бой романим устида ишлаётганим билан боғлиқ.



02/11/2017.

Тонги соат 6:36 дақиқа ўтди.

Канада, Онтерио.

 

 

 

Холдор Вулқон

Ўзбекистон Ёзувчилари уюшмасининг аъзоси

Тоғам Ҳурмуҳаммад Кенжаев ҳотирасига

 

Ҳурмуҳаммад тоғам шеъриятни теран англайдиган, олийгохни тамомлаган зиёлий инсон бўлганлари учун менинг шеърларимни таҳлил қилиб, бошқаларга тушунтириб юрар эди.Айниқса: бир шеъримдаги "Осмон о симон.Худди йўқлик рамзи 0 рақамидай" деган ташбеҳдан узоқ ҳайрат ва ҳаяжон туйиб юрдилар.

Афсус шундай ажойиб инсон, севимли тоғам оламдан ўтиб кетдилар.Илоҳим, жойлари Жаннатдан бўлсин.

Анчадан бери у инсоннинг муборак ҳотирасига нимадир ёзмоқчи бўлиб юрардим.Бугун мавриди экан.Кечаси ярим тунда уйғониб кетиб, тоғамнинг ҳотирасига бир шеър ёздим.

Қуйида шу шеърни ўқийсиз.



22/10/2017.
Тунги соат 2:24.

Канада, Онтерио.

Ойдин сукунат

(Тоғам Ҳурмуҳаммад Кенжаевнинг порлоқ ҳотирасига)



Тоға, Чувамада ҳозир ҳойнаҳой,
Оқшом тушиб, қуёш ботгандир.
Оппоқ чинни товоқ каби ой,
Тентаксойда чўкиб ётгандир?

Тошқин бузган кўприк ходаси,
Тахталари ётгандир кўчиб?
Сув кечарди сигир подаси,
У кўприкдан ўтгани чўчиб.

Қуриллайди балки бақалар,
Қирғоқларда қамишлар оҳи.
Дайди тулки сувлар ёқалаб,
Қулоқ тутар жимликка гоҳи.

Сўқмоқ уни соҳилга бошлар,
Ғир ғир эсар тунги шабада.
Кўринар сув остида тошлар,
Боғбон эса ухлар капада.

Юлдузларни жимлик хоритар,
Олис осмон -овоз етмас жой.
Қабрингизни ғамгин ёритар,
Жим -жит, сокин сукунатда ой.




22/10/2017.
Тунги соат 1 дан 21 дақиқа ўтди.
Канада, Онтерио.

 

 

 

Холдор Вулқон

Ўзбекистон Ёзувчилари уюшмасининг аъзоси

Ўрта Осиёда экология ва сув муаммоларини ҳал қилишга оид фойдали таклиф ва мулоҳазалар



Олдиндан айтиб қўяй.Мен ушбу мақолам билан ўзимни бошқалардан ақлли қилиб кўрсатмоқчи эмасман.


Аксинча, менга нон -туз, илм бериб, ўстириб вояга етказган халқимнинг оз бўлсада дардига дармон бўлмоқ, элимнинг тузини оқламоқ мақсадидагина қуйидаги мақолани ёзмоқдаман.


Маълумки, Марказий Осиёда экологик вазият яхшиланишидан шу минтақада яшайдиган барча мамлакатлар бирдай манфаатдор.Шундай экан,Каспий денгизидан Орол денгизига сув олиб келиш учун Панама каналига ўхшаган канални хашар йўли билан қазиш ишларида Ўрта Осиё мамлакатлари жон деб бош қўшадилар ва бу ҳайрли ишни амалга ошириш йўлида улар биргаликда ҳаракат қиладилар.


Туркманистон Республикасининг Президенти, Ҳукумати ва аҳолиси рухсат барса, қўшничилик рамзи бўлган бу савобли ишга рози бўлса, мазкур ДЎСТЛИК каналини Каспий денгизининг қардош Туркманистон худудига тегишли қисмидан қазиб келинса, биз таклиф қилаётган тарихий лойиха бир мунча арзонга тушади.Негаки бу масофа Қозоғистон худудига туташ Каспий денгизи соҳилларидан Орол денгизигача бўлган масофага қараганда яқинроқ.


Ўзбекистонга қўшни қардош мамлакатлар "Бизнинг сувга эхтиёжимиз йўқ.Каспий денгизидан Орол денгизига сув олиб келадиган канални сувга мухтож мамалакат ўзи қазисин" деб бу ҳайрли ишдан бош тортадиган мамлакат раҳбарлари эса, Орол денгизининг қуриши, экологик мухитнинг бузилиши ва шамолда учадиган туз ва қум тўзони Ўрта Осиё минтақасида жойлашган барча мамлакатлар учун бирдай хавф туғдиришини, бугунги лоқайдлик эртага ўнглаб бўлмас табиат катаклизмасига айланиб, дахшатли оқибатларга сабаб бўлиши мумкинлигини унитиб қўймасликлари керак.


Энди баъзилар: -Хўп, Каспий денгизидан Орол денгизига канал орқали сув олиб келинди ҳам дейлик.Лекин денгиз суви нафақат истеъмолга, балки дала экинларини суғоришга ҳам яроқсизку? -дейишлари мумкин.


Ҳа, тўғри.


Лекин канал орқали Каспий денгизидан олиб келинган денгиз суви махсус сув тозалаш иншоатларида фильтрдан, диатом тупроғи, (опреснитель дистилятор) қурилмасидан ўтказилиб, тузи чўктрилса ва Гидроксин кальций ёрдамида кислотаси сўндирилса, у микроблари ўлдирилган сув нафақат дала экинларини суғоришга, балки истеъмол учун ҳам яроқли сувга айланади.


Бундай иншоатлар ёрдамида денгиз сувини тоза ичимлик сувига айлантириш тажрибасини Америка, Канада ва Исроил мамлакатлари мисолида кўриш мумкин.


Исроил давлати аввал Галилей денгизидан канал орқали ўз худудига сув олиб келиб, уни фильтрлаб, хатто чўл минтақаларини ҳам экинзору боғ -роғларга айлантиргани бугун ҳеч кимга сир эмас.


Кейинчалик улар Ўрта Ер денгизидан сувни худди шу тариқа, канал орқали ўз мамлакати худудига олиб келиб, ҳозирда фильтрланган денгиз сувини тежаб, томчилаб суғориш йўли билан қақраб ётган ерларига ҳаёт бағишламоқдалар, қишлоқ хўжалигини юксалтириб, боғдорчилик ва аграр дехқон фермерчилигини юқори даражада ривожлантирмоқдалар.


Улар айнан шу йўл билан ўз мамлакатларидаги сув муаммосини бартараф қилишга эришдилар.


Биз юқорида ёзган Каспий денгизидан канал орқали орол денгизига сув олиб келиш йўлидаги қардош, қўшни мамлакатларнинг ўзаро ҳамжихатлиги аллақандай миллатчилик, ирқчиликка, пантуркизм ёки панисломизм каби радикал ғояларга мутлақо алоқаси йўқ.


Қўшни қардош мамлакатлар бир оила фарзандларидай аҳил иноқ яшашлари билан бирга Россия, Хитой,  Европа ва Ғарб мамлакатлари билан ҳам динидан ва ирқидан қатъий назар уйғунликда, (гармонияда) толерант, яъни бағри кенглик, ўзаро ҳурмат ва дўстликка қурилган умуминсоний ғоялар асосида яшамоқлари жоиз.


Энди Каспий денгизидан Орол денгизига сув олиб келишнинг Ўрта Осиё мамлакатлари учун асосий фойдаларини санаймиз.


1.Орол денгизи сувга тўлади, Ўрта Осиё минтақасида издан чиққан экологик мухит яхшиланади.


2.Канал қурилиши давомида Ўрта Осиё аҳолисининг катта қисми иш билан таъминланади.


3.Ўзбекистон, Қирғизистон, Тожикистон мамлакатларининг экспорт махсулотлари каналда қатнови йўлга қўйиладиган сузувчи транспортлар ёрдамида Европа бозорига олиб чиқилади.


4.Орол денгизида балиқчилик ривожланади, балиқларни консервалайдиган,балиқ увилдириқларини, яъни икраларни қадоқлайдиган заводлар эвазига денгиз бўйида яшайдиган Қозоғистоннинг оролбўйи аҳолиси ва Қорақалпоқистон Автоном Республикаси, Хоразм воҳаси, қардош Туркманистоннинг Хоразмга туташ Ўзбекистонга чегарадош минтақаларидаги аҳолиси иш билан таъминланади.


5.Каспий денгизидан келтирилгувчи сув ёрдамида қудратли электростанцияларнинг турбиналарини ишга тушириш ва ишлаб чиқариладиган арзон электр қуввати хисобига  Ўрта Осиё мамлакатлари аҳолисини тўла ва узуликсиз электроэнергия билан таъминлаш имконияти пайдо бўлади.


6. Бундан ташқари денгиз бўйларида миллий боғлар, қўриқхоналар, дам олиш масканлари, пляжлар,санатория - даволаниш масканлари, дельфинариялар, океанариумлар, яхтклублар барпо этилиса, минтақада туризм ҳам ривожланади.


7.Бу ўзаро ҳамжихатлик Ўрта Осиёдаги қардош мамлакатлар дўстлигини мустахкамлайди.

Ўрта Осиё минтақасини экологик носозликдан, иқтисодий инқироздан, ўзаро жанжалу урушлардан, вайронагарчиликлардан сақлайди.


Ўрта Осиё минтақасида жойлашган қардош ва қўшни мамлакатларнинг раҳбарлари, турли кўзга кўринмас, ўртабузар ғаюр кучларнинг фитна -провокацияларига учиб, деди деди гапларни кўпайтирмасликлари, ҳар бир сўзни ўйлаб гапириб, ақл билан иш юритмоқлари, ўзаро жанжаллашмасликлари, аксинча минтақада юзага келган ва келиши мумкин бўлган экологик, сиёсий -ижтимоий муаммоларни ҳамжихатлик билан ҳал қилиш санъатини ўзлаштирмоқлари керак.




19/10/2017.
Кундуз соат 12 дан 26 дақиқа ўтди.
Канада, Онтерио.

 

 

 

Холдор Вулқон

Ўзбекистон Ёзувчилари уюшмасининг аъзоси


image (700x466, 48Kb)

 

Спортчимиз Мурод Хонтўраев ҳақида



Очиғини айтай, мен бу мақоламда кўпчиликка маълум бўлган, аммо юрагимизда ҳамиша фахру ифтихор туйғуларини уйғотгувчи миллий насаб тўғрисидаги қайтариқларга тўхталаман.


Лекин бу нарса сиз азиз ўқувчини зериктириб қўймасин.

Мақолани охригача ўқинг.Шунда менинг нима демоқчи эканлигимни англайсиз.


Ўзбекни илк бор дунёга танитган шонли бобомиз император Амир Темур ҳазратлари эди.


Амир Темурнинг чевараси Заҳириддин Бобур ҳам ўз бобосининг жасорат ва шижоатини инсоният кўзи ўнгида яна бир бор такрорлади.


Илму фанда эса ҳазрати Амир Темурнинг набираси Мирзо Улуғбекнинг коинотдаги юлдузлар системасини тузиб, харита яратганлари, илк бор космосга йўл очганлари барчага маълум ва машҳур.


Дунё астрономлари Мирзо Улуғбек ҳурмати ва ҳотираси учун Ойдаги битта кратерни, яъни вулқон ўчоғини унинг номи билан номладилар.


Бобомиз Аль Беруний бўлса, қушларнинг эгма парвозига қараб туриб, демак Ер юмалоқ экан деган қарорга келди ва Ер шарининг биринчи макети - ГЛОБУСни ясаб, уни туяга ортиб, шаҳру қишлоқларда элга намоиш қилди, ўз гипотезасини одамларга тушунтирди.


Айрим ғаюр тўдаларнинг "Чиғатой тилида, яъни ўзбек тилида нафақат беш китобдан иборат "Ҳамса", балки оддий ғазал ҳам ёзиб бўлмайди" дея Она тилимизни тахқирлаб, камситганларида ҳазрати Амир Алишер Навоий она тилимизда лирик ғазаллар жамланган "Ҳазоин ул маоний"ни, ва беш китобдан иборат "Ҳамса"ни бошқа халқларнинг шоирларидан ўтказиброқ ёзди, тилимиз қашшоқ эмаслигини, аксинча, унинг имкониятлари бошқа тиллардан ортиқроқ эканини, ўзбек шоирларининг иқтидори ва қудратини дунёга намоиш қилди.


Бугун халқимизни спортчиларимиз дунёга танитмоқда.

Жаҳон чемпиони унвонини олган қаҳрамон спортчиларимиз шу қадар кўпки уларнинг рўйхати бу саҳифага сиғмайди.Шу сабаб, бугун улардан фақат биттасигагина тўхталаман.


У спортчининг исми шарифи Мурод Хонтўраев.


MMA -mixed martial arts - Микст маршал артс яккакураши бўйича жаҳон чемпиони ҳамюртимиз Мурод Хонтўраевнинг октогондаги шиддатли жангларини дунёнинг турли чеккаларида яшаётган ўзбеклар ва ўзбекистонликлар ҳаяжон билан кузатадилар ва унинг ғалабаларидан юраклари фахру ифтихорга тўлади.

Худо илҳом берса, дунёни ҳайратда қўяётган ўзбек ва ўзбекистонлик спортчиларга бағишлаб шеър ёзиш нийятим ҳам йўқ эмас.Айниқса Мурод Хонтўраевга атаб.


Бир интервьюсида Муроджон Россия ва Қозоғистон президентлари кўзи ўнгида ўз рақибини қисқа вақт ичида мағлуб этганини айтган журналистнинг: "шунда сизнинг дилингиздан нималар кечди?" деган саволига, спортчининг ўкинч билан: - ўша чемпионат ўтказилаётган саройда менинг Президентим ҳам иштирок этганларида эди -дея айтган гапларини эшитиб, беихтиёр менинг кўзларимдан ёш чиқиб кетди.


Ҳа, Ўзбекистонимизнинг шундай ватанпарвар пахлавон ўғлонлари бор.Ватанимизда спорт тобора гуллаб яшнайверсин!


Негаки спорт дунё халқларини бирлаштиради, тоза авлодни турли касалликлардан ароқхўрлик, нашавандлик, зинокорлик, қўрқоқлик каби иллатларидан сақлайди, ёшлар ҳаётидаги бўшлиқни тўлдириб, беъмани ишлар билан шуғилланиш учун уларга вақт қолдирмайди.


Соғлом авлод спорт билан юзага келади.Спорт Ўзбекистонни дунёга танитади.


Мурод Хонтўраевга спорт сохасидаги буюк хизматлари учун "Ўзбекистон қаҳрамони" унвони тақдим этилса яхши бўларди деган таклиф билан мазкур мақолага нуқта қўяман.




09/10/2017.

Кеч соат 5:57.

Канада, Онтерио.

 

 
kembdridj (458x542, 86Kb)

Холдор Вулқон

Ўзбекистон Ёзувчилари уюшмасининг аъзоси


Миллий қаҳрамон ким?



Мен журналистликка даъво қилмайдиган оддий бир ижодкор ёзувчиман.

Лекин бошқалар каби мен ҳам журналистларимиз журналистика тамоилларига тўлиқ риоя қилиб, воқеаларни бир ёқлама эмас, объектив ёритишларини, адолатли бўлишларини истайман.

Афсуски бундай журналистлар бизда бармоқ билан санарли.

Лекин улар ҳам кимгадир ваё қайсидир гурухга ён босиб, гўёки уларга хизмат қилаётгандай иш юритадилар.

Яқинда ўзини умуммухолифат лидери хисоблаб юргувчи (шоир Муҳаммад Солих эмас) Салай Муҳаммадаминов Усмон Ҳақназаров аноними остида бирёқлама мақолалар ёзган, ҳозирда МХХ хибсхонасида ўтирган Бобомурод Абдуллаев деган йигитни миллий қаҳрамон даражасига кўтарибди.


Бу нафақат нотўғри, балки абсурд.


Ўз ақли, тафаккури билан буюк ислохатларга қўл уриб, қашшоқлашиб кетган ўз мамлакати иқтисодиётини юксалтириб, Хитойни дунёнинг энг ривожланган, қудратли давлатлари даражасига олиб чиққан Ден Сияопин каби реформаторларни миллий қаҳрамон деса бўлади.


Ёки қардош Озарбайжон, Туркманистон, Қозоғистон, Тожикистон ва Қирғизистон давлатлари билан ҳамкорликда ва бошқа ривожланган давлатлар ёрдамига таяниб, Каспий денгизидан канал орқали Орол денгизига сув олиб келса, Панама каналига ўхшаган у каналда савдо кемалари қатновини йўлга қўйиб, Ўзбекистоннинг экспорт махсулотларини арзон ва қулай сузувчи транспортлар ёрдамида Европа бозорига олиб чиқса, мамлакатимиз иқтисодиётини ривожлантириб, халқимизни тўлиқ иш билан таъминлаб, минтақада экологик мухитни яхшиласа, элимизни қишин ёзин узуликсиз электрoэнергия ва газ билан тўлиқ таъминласа, ана ўшандай инсонни миллий қаҳрамон десак арзийди.

Биз ўзбекистонликлар, оддий фуқаролардан тортиб юқори мартабали раҳбарларимизгача мана шундай улуғвор нийятлар йўлида Мустақиллик деб аталган ягона муқаддас ғоя атрофида бирлашмоғимиз керак.

Бутун дунё халқларига тамоша бўлиб, бир биримизнинг пойимизга болта урмаслигимиз, ўзаро жанжаллашмаслигимиз, муроса билан иш юритмоғимиз керак.

Кўпмиллатли халқимиз манфаатларига мос, барчамизга бирдай мақбул бўладиган адoлатли сиёсат юргизишга интилаётган, халқимиз сайлаган амалдаги Президентимиз атрофида бирлашишимиз, Ўзбекистоннинг гуллаб яшнаши йўлида ҳар биримиз, миллатимиз, динимиз ва ирқимиздан қатъий назар, қўлимиздан келганича уни қўллаб қувватлашимиз, унга ўз қимматли таклиф ва мулоҳазаларимиз билан кўмаклашмоғимиз керак.

Буни коллектив ақл ва тафаккур дейдилар.


Яна шуниям лаганбардорликка йўйиб юрмаларинг, эй маккор ва разил, ўз манфаати йўлида ҳар қандай пасткашликдан қайтмайдиган бахил ва хасадгўй писмиқ мегалаганбардорлар тўдаси.

Менинг юқорида ёзган таклифларим лаганбардорлик ё баландпарвоз гаплар эмас.

Шундай қилишимиз керак ва ҳатто шарт.

 

Қандайдир Усмон Ҳақназаров деган яширин ном остида шахси номаълум, имзосиз муаллиф сифатида фаолият юритгани ҳам оздай, салайчиларнинг ЎХҲ дея номланган, ҳозирда тарқаб битган гурухи манфаатларинигина муҳофаза қилиб, бирёқлама мақолалар ёзган сайёр журналист Бобомурод Абдуллаев эса ҳеч қачон миллий қаҳрамон бўлолмайди, ҳатто шундай унвонни унга тақдим этганларида ҳам.

 

Унинг мақолаларини ўқиб кўринг.Агар у мақолалар журналистиканинг ҳолислик ва адолат меъзонларига амал қилиб ёзилган бўлса, нега у мақолаларда яхшими ёмонми, Абдураҳим Пўлатов, Жаҳонгир Маматовларга ўхшаганлар ҳақида ло мим дейилмаган?Қайтага у шахсларга лой чаплаб, фақат Салай Муҳаммадаминовни тарғиб қилинади у "мақолалар"да.


Шуми ҳолислик?Шуми аналитика? Шуми журналистика?


Мен бир мақоламда ўзини сиёсатчи хисоблаб юргувчи Салай Муҳаммадаминовни эмас, бир пайтлар талайгина яхши шеърлар ёзган шоир Муҳаммад Солихни реабилитация қилиб, Ватанга қайтарилса яхши бўларди мазмунида таклиф киритган эдим.


Бир кун қарасам, бировларни манфаатпараст дея камситишни яхши кўрадиган оқсоқол шоир тушмагур бир видеосида: -"Ватанга қайтаман.Лекин эски сиёсатимни келган жойидан бошлаб, квартираларимни қайтариб оламан" қабилида гапларни айтибди.


У ҳам майли, яқинда бир мақоласида у: "Мен Ватанга қайтиб борсам, қамалиб кетишларидан қўрққан каримовчилар менинг ватанга қайтишимга тўсиқ қўйишди" дея иддао қилибди.


Энди ўзингиз ҳолис ўйлаб, хулоса чиқаринг.


"Энди ёш ҳам бир жойга бориб қолди.Сиёсат билан ёшлар шуғиллансин.Бизни реабилитация қилиб, бизга қўйилган айбловлар олиб ташланса, ватанда ижод қилиб, невара чеваралар бағрида кексалик гаштини сурсак, қолган умримизни юртимизда ўтказсагу, қазои қадар етса, она тупроққа қоришсак" дейиш ўрнига квартираларимни қайтариб оламан дегани ҳам етмай,  ўлтиродирман йиттиродирман оҳангидаги гапларни айтган одамнинг Ватанга қайтиш йўлини ўзидан бошқа яна ким тўсиши мумкин?


У ўз йўлини ўзи тўсмадими?


Доимо ҳурфикрлилик учун курашганмиз, Ўзбекистонда сўз эркинлиги йўқ  дея иддао қиладиган, Салай Муҳаммадаминов танқидга тоқати йўқ, сиркаси сув кўтармайдиган одам эмаски, менинг юқоридаги танқидий фикрларимдан ранжиса.


Ҳозирча шу.


Илоҳим, доимо юртимиз тинч, халқимиз ҳамиша омон бўлсин!




08/10/2017.

Кундуз соат 10:51.

Канада, Онтерио.

 

 

 
Еще статьи...